Бугун,

  • USD 10940.05
  • RUB 182.26
  • EUR 11121.65

Қашқадарё вилояти Қарши шаҳридаги хусусий таълим марказида таҳсил олувчи 13 нафар вояга етмаган бола ис газидан заҳарлангани ҳақида хабар берилганди. «Севимли» телеканалининг «Замон» дастурида маълум қилинишича, болаларнинг аксариятига уйига жавоб берилган.

Маълум қилинишича, Республика шошилинч тиббий ёрдам илмий маркази Қашқадарё филиалига соат 06:50 ларда Қарши шаҳридаги хусусий ўқув марказларидан бирида таҳсил олаётган 13 нафар ўсмир олиб келинган.

Болаларнинг каттаси 14 ёшда бўлса, кичиги 11 ёшда бўлган. Уларга ис газидан заҳарланиш ташхиси билан тез тиббий ёрдам кўрсатилган.

Шифохонага олиб келинган оғир аҳволдаги 3 нафар бола реанимация бўлимига, 5 нафари токсикология бўлимига, қолган 5 нафари амбулатор назоратига олинган.

Шифокор Ўрол Шаминовнинг маълум қилишича, шифохонага олиб келинганларнинг аҳволи дастлаб ўта оғир бўлган. Айни вақтда бир бемор токсикология бўлимига ўтказилган, 2 нафар беморнинг аҳволи қониқарли.

Дастлабки маълумотларга кўра, хусусий ўқув марказларига тегишли ётоқхоналардан бирида газ билан ишлайдиган иситиш қозонидаги носозлик ушбу ҳодисага сабаб бўлган.

Ҳолат юзасидан вилоят фавқулодда вазиятлар бошқармаси ҳамда тегишли идоралар томонидан суриштирув ишлари олиб борилмоқда.

Аввалроқ Қорақалпоғистонда бир оиланинг 4 нафар аъзоси ва 2 нафар меҳмон ҳамда Сирдарёда 31 ёшли аёл ва унинг вояга етмаган 3 нафар фарзанди ис газидан заҳарланиб вафот этгани ҳақида хабар берилганди.

Изоҳ
Асосий янгиликлар