Футбол бўйича Италия А Сериясининг 14-турида «Ювентус» 22 декабрь, сешанба куни «Фиорентина»ни қабул қилди.
Учрашувнинг 3-дақиқасидаёқ флоренсияликлар Душан Влаҳовичнинг тезкор голи эвазига олдинга ўтиб олди. 18-дақиқада туринликлар ҳимоячиси Хуан Куадрадо ўта қўпол ҳаракати учун тўғридан-тўғри қизил карточкага лойиқ кўрилди.
76-дақиқада Алекс Сандро жарима майдонига узатилган тўпни ўз дарвозасига жойлаб қўйди. 81-дақиқада Мартин Касерес меҳмонларнинг учинчи голини урди.
Шу тариқа мавсумдаги илк мағлубиятни қабул қилиб олган «Ювентус» 24 очко билан 4-ўринга тушиб кетди. «Фиорентина» очколарини 14 тага етказиб олган ҳолда, 14-поғонага кўтарилди.
А Серия
14-тур баҳслари
22 декабрь, сешанба
«Ювентус» — «Фиорентина» 0:3
Голлар: 0:1 – 3 Влаҳович, 0:2 – 76, автогол Алекс Сандро, 0:3 – 81 Касерес.«Ювентус»: Шенсни, де Лигт (Фработта, 88), Бонуччи, Алекс Сандро, Куадрадо, Рэмзи (Данило, 20), Бентанкур, Маккенни (Кулусевски, 73), Кьеза, Мората (Бернардески, 46), Роналду.
«Фиорентина»: Дронговски, Миленкович, Пеццелья, Игор Жулио, Касерес, Валеро (Пульгар, 52), Амрабат, Кастровилли, Бираги (Венути, 82), Влаҳович (Куаме, 75), Рибери (Бонавентура, 82).
Огоҳлантиришлар: Бираги (22), Рибери (37), Валеро (47), Венути (84), Данило (85).
Четлатиш: Куадрадо (18).
«Кротоне» — «Парма» 2:1
Голлар: 1:0 – 24 Junior Мессиас, 2:0 – 44 Junior Мессиас, 2:1 – 57 Куцка.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)