Ёшлар ўртасидаги (У-17) Бразилия чемпионатининг ҳал қилувчи баҳсидан ўрин олган «Атлетико Паранаэнсе» ва «Флуминенсе» жамоалари ўртасидаги учрашувда оммавий жанжал юзага келди.
Биринчи бўлим якунланиши арафасида мезбонлар ўйинчиси рақиб жамоа ҳужумчисига нисбатан қўпол ўйнади. Шундан кейин икки жамоа вакиллари ўртасида жанжал бошланди. Жанжалга захира ўриндиғида ўтирган футболчилар ҳам аралашди. Видеотасвирларда «Атлетико» ўйинчиларидан бири рақиб футболчисининг юз қисмига оёқ билан зарба бергани ва у майдонга йиқилгач, яна бир неча бор тепки еганини кўриш мумкин.
Бироз вақт ўтиб жанжал тўхтатилган. Маҳаллий ОАВнинг хабар қилишича, тортишувлар натижасида 9 нафар футболчи четлатилган. Финал баҳси «Флуминенсе»нинг 2:1 ҳисобидаги ғалабаси билан тугали ва меҳмонлар Бразилия чемпионлигини қўлга киритди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)