Янги йилда «Микрокредитбанк» билан янги уйга эга бўлинг. Эндиликда қулай шартлардаги ипотека кредити эвазига бирламчи уй-жой бозоридаги кўп қаватли хонадонлардан бирига «Микрокредитбанк» ёрдамида эга бўлишингиз мумкин!
Кредит муддати — 20 йил.
Бошланғич тўлов: Қишлоқ жойларда – 10%; Шаҳар жойларда – 20%
Кредит фоизи – Тошкент шаҳрида йиллик 18%, вилоятларда йиллик 17% дан таклиф этади.
Ўзбекистон Республикаси Президентининг 2019 йил 28 ноябрда «Ипотека кредити механизмларини такомиллаштиришга оид қўшимча чора-тадбирлар тўғрисида»ги ПФ-5886-сонли Фармони қабул қилинди. Унга кўра банк томонидан жорий йил давомида 105 млрд.сўмдан ортиқ ипотека кредитлари ажратилди ва натижада 700 дан ортиқ фуқароларимиз янги хонадонларга эга бўлди.
Юқоридаги фармонга кўра қишлоқ жойларида 2 хонали квартиралар учун 240 млн сўмгача, 3 ва ундан кўп хонали квартиралар 320 млн сўмгача; шаҳарларда 2 хонали квартиралар учун 240 млн сўм, 3 ва ундан кўп хонали квартиралар учун 320 млн сўмгача; Тошкент шаҳрида 2 хонали квартиралар учун 264 млн сўмгача, 3 ва ундан кўп хонали квартиралар 352 млн сўмгача оширилди.
Янги тартибнинг ўзига ҳос жихатларидан яна бири шундаки, эндиликда айрим шахсларга, шу жумладан кам таъминланган ва уй-жой шароитларини яхшилашга муҳтож бўлганларга ипотека кредити бўйича дастлабки бадал ва (ёки) фоизларнинг бир қисмини қоплаш учун Ўзбекистон Республикаси Давлат бюджети маблағлари ҳисобидан субсидиялар тўланади.
Янги тартиб доирасида субсидиялар:
- қишлоқ жойларда — биринчи беш йил давомида ипотека кредити бўйича фоиз тўловлари билан боғлиқ харажатларни қоплаш учун - 10 фоизлик пунктдан ошган қисмига;шаҳарларда - дастлабки бадалнинг бир қисмини тўлаш билан боғлиқ харажатларни қоплаш учун уй-жой ҳисобланган қийматининг 10 фоизи миқдорида ва биринчи беш йил давомида кредит бўйича фоизларни қоплаш учун Тошкент шаҳрида 12 фоизлик пунктдан ошган қисмига, Қорақалпоғистон Республикаси ва вилоятлар шаҳарларида 10 фоизлик пунктдан ошган қисмига тўланади.
Ипотека кредити олувчиларга қуйидаги талаблар қўйилди:
- ипотека кредити кредит олиш учун мурожаат қилган кунида 18 ёшга тўлган ва 50 ёшдан ошмаган Ўзбекистон Республикаси фуқароси;
- ипотека кредити бўйича ҳисобланган фоизларни ва асосий қарзни тўлов жадвалига мувофиқ ҳар ойда қайтариш имкониятига эга бўлган доимий иш жойига, шахсий ёрдамчи ёки деҳқон хўжалигидан ёхуд якка тартибдаги тадбиркорлик фаолиятидан доимий даромадга эга бўлиши;
- қарз олувчининг барча кредитлари ва микроқарзлари (жумладан олинадиган ипотека кредити) бўйича ўртача ойлик тўловлари, яъни қарз юки кўрсаткичи миқдорининг қарз олувчи ва биргаликда қарз олувчиларнинг тасдиқланган ўртача ойлик даромадига нисбати 70 фоиздан юқори бўлмаслиги;
- ипотека кредити ажратиш ҳақидаги аризани кўриб чиқиш вақтида кредит ташкилотларидан аввал олган кредитлари бўйича муддати ўтган қарздорлиги мавжуд бўлмаган жисмоний шахслар ипотека кредити олишлари мумкин.
Реклама ҳуқуқи асосида.
Изоҳ (0)