Бугун,

  • USD 11095.31
  • RUB 173.84
  • EUR 10772.44

Бугунги кунда Наманган вилоятидан кетиб, хорижда ишлаётганлар сони 63 минг кишини ташкил этмоқда. Бу ҳақда вилоят ҳокими Шавкатжон Абдураззақов халқ депутатлари Наманган вилоят Кенгаши сессиясидаги мурожаатидан сўнг ўтказилган матбуот анжуманида маълум қилди, дея хабар беради «Дарё» мухбири Азизбек Абдувалиев.

Фото: «Дарё»

Фото: «Дарё»

Жумладан, Россияда 33 минг, Қозоғистонда 19 минг нафар наманганлик меҳнат фаолиятини олиб бормоқда. Пандемия даврида 51 минг нафар мигрант Наманганга қайтиб келган ва улардан 77 фоизи ишга жойлаштирилган.

Вилоят ҳокими ойига 200 доллардан кам пул юбораётганларни уйига қайтариш топшириғи берилгани ҳақида ижтимоий тармоқларда тарқалган хабарларга ҳам изоҳ берди.

Фото: «Дарё»

Фото: «Дарё»

«Бундай топшириқ ҳам, бундай ўлчовлар ҳам йўқ. Мақсадимиз аниқ — четда юрган мигрантларни «келинглар» деб қуруқ даъват қилиш эмас, балки уларга реал иш ўринлари ва оиласини таъминлашга етадиган муносиб маош таклифини бериш. Маъқул бўлса, ўзлари келишади.

Биргина мисол, Наманганда ўнлаб кичик саноат зоналари, 100 дан ортиқ янги уйлар қуриляпти. Суриштириб кўрдик, кунига 100 минг сўмдан бериляпти, овқати, келиб-кетиши текин, лекин шунда ҳам усталарни камида бир ой кутишга тўғри келмоқда. Бу иш ўринлари ҳақида Россия, Қозоғистонда юрган ҳамюртларимиз биладими, деган савол туғилади. Афсуски, кўпчилигининг хабари йўқ. Йўқса, оиласидан узоқда, совуқ об-ҳавода юриш уларга ҳам ҳавас бўлмаса керак. Шу учун ижтимоий тармоқлар орқали Намангандаги бўш иш ўринлари ҳақида эълонлар, роликларни кўпайтиришга ҳаракат қиляпмиз», — деди Шавкатжон Абдураззақов.

Фото: «Дарё»

Фото: «Дарё»

Вилоят ҳокимига кўра, Россияда ишлаш истагини билдирганлар учун бепул рус тили курслари йўлга қўйилган, талаб ва маош юқори бўлган пайвандчи, токар каби касбларга ўргатадиган марказлар очилмоқда. Шунингдек, наманганликларни кафолатланган иш ўринларига юбориш бўйича Россиянинг Свердловск ва Самара вилоятлари иш берувчилари билан музокаралар олиб борилмоқда.

Изоҳ
Асосий янгиликлар
Маҳаллий
“Чегара масаласининг якуний ҳал этилиши Марказий Осиё минтақасида барқарорлик ва хавфсизликни мустаҳкамлашга хизмат қилади” —  Садир Жапаров 
Дунё
“Бизга ҳайвонлардан ёмонроқ муносабатда бўлишади” — Афғонистонлик қиз “Толибон”нинг чекловлари ҳақида (видео)
Маҳаллий
“Боланг туғилгач икковингга бензин қуйиб, ёқиб юбораман, деб таҳдид қилган” — Фарғонада эрининг Matiz’ида ўзини ёқиб юборгани айтилган марҳуманинг яқинлари