Тошкент давлат аграр университетининг Нукус, Термиз ва Самарқанд филиаллари институтга айлантирилади. Мазкур тадбирлар Вазирлар Маҳкамасининг 2020 йил 15 декабрдаги қарори билан тасдиқланган Аграр таълим тизимининг 2030 йилгача бўлган инновацион ривожланиш стратегиясида назарда тутилган. Бу ҳақда Адлия вазирлиги хабар берди.
Қарорга мувофиқ, қишлоқ хўжалигида «Ақлли қишлоқ хўжалиги» (Smart agriculture) ва рақамли технологиялар жорий қилинади. Тошкент давлат аграр университетининг Нукус, Термиз ва Самарқанд филиаллари институтга айлантирилади
Стратегияга кўра, 2030 йилга қадар 30 та хорижий ОТМ билан ҳамкорликда қўшма таълим дастурлари ташкил этилади. Қишлоқ хўжалиги соҳасида кўрсатиладиган интерактив хизматлари сони 20 тага етказилади;
Бундан ташқари, аграр таълим тизимидаги ОТМларни дунёнинг нуфузли 1000 та олий таълим муассасалари рўйхатига (ҚС рейтинг тизими) киритиш чоралари кўрилади.
2020/2021-ўқув йилидан соҳадаги барча бакалавриат таълим йўналишлари ва магистратура мутахассисликларида таълимнинг кредит-модул тизими босқичма-босқич жорий этилади.
Изоҳ (0)