Вазирлар Маҳкамаси 15 декабрь куни болаларни эрта ёшдан ривожлантиришни яхшилаш тўғрисидаги қарорни қабул қилди, деб хабар бермоқда Norma.
Умумий қиймати 100,57 миллион долларни ташкил қилувчи ушбу лойиҳа болаларнинг эрта таълим олиш имкониятларини кенгайтириш, давлат мактабгача таълим ташкилотларида таълим шароитларини яхшилаш ва 2020—2024 йилларда таълим сифатини тизимли равишда баҳолаш имкониятларини яратишга қаратилган.
2019 йилнинг июль ойида Ўзбекистон ва Халқаро тараққиёт ассоциацияси (ХТА) ўртасида 30 йиллик муддатга, 5 йиллик имтиёзли давр билан «Болаларнинг ривожланишини ёшлигидан яхшилаш» лойиҳасини амалга ошириш учун 59,5 миллион доллар миқдорида кредит шартномаси имзоланган эди.
Бундан ташқари, ХТА билан 9,5 миллион долларлик грант ажратиш тўғрисидаги битим имзоланди. Лойиҳада Ўзбекистоннинг улуши 16,9 миллион доллар эквивалентдаги солиқ ва божхона имтиёзларини ҳисобга олган ҳолда 26,72 миллион долларни ташкил этади.
Изоҳ (0)