Янги йил яқинлашгани сари аёлларни қийнайдиган саволлар кўпайиб боради. Табиийки, улар кийим, пардоз ва соч турмаги ҳақида бўлади. Қуйида тавсия этиладиган либослар тўпламида байрам зиёфати учун кўринишни тахминан тасаввур қилиш имконияти мавжуд.
Байрамона ва классик услуб уйғунлиги. Икки услубни эса ингичка тилларанг белбоғ боғлаб турибди. Эмма Стоуннинг бу каби кўриниши малласоч хонимлар учун айни муддао. Шунингдек, ушбу либосда Янги йил банкети ҳамда оила даврасида ўтказиладиган зиёфатда ҳам кўриниш бериш мумкин.
Алекса Чанг танлаган тилла ранг либос байрам зиёфати учун ҳамиша мос келади. Либос оддий бичимда тикилган бўлса-да, матонинг ёрқинлиги сабаб байрамона кайфият улашади. Ушбу либос ҳам ортиқча безакларсиз содда услубда бўлиб, матодан тикилган белбоғ қоматга алоҳида урғу беради.
Агар банкет ҳамкасблар доирасида бўлса, Оливия Палермонинг классик ва байрамона услуби мос келиши мумкин. Бунинг учун турли рангдаги либос ва қора костюм кийиш кифоя. Шунингдек, туфли ва қўл сумкаси ҳам қора рангда бўлса, кўриниш янада мукаммал бўлади.
Тонггача рақс тушишни истовчилар плиссе юбкани бироз тор бўлган кофта билан уйғунлаштириши мумкин. Шунингдек, бу услубга Соланж Ноулзники каби ёрқин ва нафис кўриниш берувчи пардоз жуда мос келади.
Ноодатий услуб билан ажралиб турувчилар Женни Лаёнс каби оддий қора свитер ва ранг-баранг юбкани мослаштириши мумкин. Албатта, танлаган либос, энг аввало, қулай бўлишини ҳисобга олиш керак.
Ўтган асрнинг 70 йиллари модасига қизиқувчилар учун Адвоа Абоанинг услубини тавсия қилиш мумкин. Ихчам ва урфдан қолмайдиган қора либос ва шунга мос оёқ кийим. Айниқса, ёрқин рангдаги мўйна янгича кўриниш касб этади.
Изоҳ (0)