The Best соврини ғолибини аниқлаш учун ўтказилган сўровномада кучли учликка кирган футболчилар кимларга овоз бергани маълум бўлди.
Роберт Левандовски биринчи ўринга «Бавария»даги собиқ жамоадоши, ҳозирда «Ливерпуль»да тўп тепаётган Тиаго Алькантарани қўйди. Кейинги ўринда ПСЖ ҳужумчиси Неймар қайд этилган бўлса, «Манчестер Сити» ярим ҳимоячиси Кевин де Брюйне учинчи ўринга лойиқ кўрилган.
Роналду эса биринчи ўринга Левандовскини лойиқ кўрган, иккинчи ўрин — Месси, учинчи ўрин — Килиан Мбаппе (ПСЖ).
Месси Неймарни энг яхши дея эътироф этган, кейинги ўринларга мос равишда Мбаппе ва Левандовски қўйилган.
Таъкидлаш жоиз, Роналду тарихда биринчи марта Мессига овоз берди. Бунга қадар португалиялик футболчи на The Best’да, на «Олтин тўп» сўровномасида бу ишни қилганди.
Эслатиб ўтамиз, овоз бериш жараёнида журналист ва мухлислардан ташқари ФИФАга аъзо барча терма жамоалар бош мураббий ҳамда сардорлари қатнашган. Левандовски, Роналду ва Месси ўз терма жамоаларининг сардорлари ҳисобланади.
Мавзуга доир:
- The Best—2020. Йилнинг энг яхши дарвозабони аниқланди
- The Best—2020. Йилнинг энг чиройли голи муаллифи маълум бўлди (видео)
- The Best—2020. Йилнинг энг яхши мураббийи аниқланди
- The Best—2020. FIFA 2019/20 йилги мавсум рамзий терма жамоасини эълон қилди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)