The Best sovrini g‘olibini aniqlash uchun o‘tkazilgan so‘rovnomada kuchli uchlikka kirgan futbolchilar kimlarga ovoz bergani ma’lum bo‘ldi.
Robert Levandovski birinchi o‘ringa “Bavariya”dagi sobiq jamoadoshi, hozirda “Liverpul”da to‘p tepayotgan Tiago Alkantarani qo‘ydi. Keyingi o‘rinda PSJ hujumchisi Neymar qayd etilgan bo‘lsa, “Manchester Siti” yarim himoyachisi Kevin de Bryuyne uchinchi o‘ringa loyiq ko‘rilgan.
Ronaldu esa birinchi o‘ringa Levandovskini loyiq ko‘rgan, ikkinchi o‘rin — Messi, uchinchi o‘rin — Kilian Mbappe (PSJ).
Messi Neymarni eng yaxshi deya e’tirof etgan, keyingi o‘rinlarga mos ravishda Mbappe va Levandovski qo‘yilgan.
Ta’kidlash joiz, Ronaldu tarixda birinchi marta Messiga ovoz berdi. Bunga qadar portugaliyalik futbolchi na The Best’da, na “Oltin to‘p” so‘rovnomasida bu ishni qilgandi.
Eslatib o‘tamiz, ovoz berish jarayonida jurnalist va muxlislardan tashqari FIFAga a’zo barcha terma jamoalar bosh murabbiy hamda sardorlari qatnashgan. Levandovski, Ronaldu va Messi o‘z terma jamoalarining sardorlari hisoblanadi.
Mavzuga doir:
- The Best—2020. Yilning eng yaxshi darvozaboni aniqlandi
- The Best—2020. Yilning eng chiroyli goli muallifi ma’lum bo‘ldi (video)
- The Best—2020. Yilning eng yaxshi murabbiyi aniqlandi
- The Best—2020. FIFA 2019/20-yilgi mavsum ramziy terma jamoasini e’lon qildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)