Самарқанд вилояти Пахтачи туманидан ўтувчи М-37 халқаро автомобиль йўлида юз берган йўл-транспорт ҳодисаси оқибатида бир киши вафот этди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 2020 йилнинг 13 декабрь куни соат 20:00 атрофида Пахтачи туманидан ўтган М-37 халқаро автомобиль йўлининг 136-километрида Spark автомбили пиёдани уриб юборган. Натижада пиёда оғир тан жароҳатлари билан Пахтачи туман тиббиёт бирлашмасига ётқизилган, бироқ кўрсатилган тиббий ёрдамга қарамасдан, мазкур фуқаро касалхонада вафот этган.
Аниқланишича, мазкур ЙТҲга пиёданинг йўлни белгиланмаган жойдан кесиб ўтгани ҳамда ҳайдовчининг тезликни оширгани сабаб бўлган.
Мавзуга доир:
- Наманганда MAN ва Nexia иштирокида юз берган ЙТҲ оқибатида 6 киши ҳалок бўлди. Улардан 3 нафари вояга етмаган болалар
- Иштиҳонда йўлни белгиланмаган жойдан кесиб ўтаётган пиёдани уриб юборган Nexia унинг ўлимига сабаб бўлди
- Андижонда Lacetti ҳайдовчиси туман сабабли пиёдани уриб кетди. Жабрланувчи касалхонада вафот этди
Изоҳ (0)