Бугун,

  • USD 11095.31
  • RUB 173.84
  • EUR 10772.44

Олий Мажлис Қонунчилик палатаси депутатлари 15 декабрь куни бўлиб ўтган навбатдаги мажлисда Жиноят, Жиноят-процессуал кодексларига ҳамда Маъмурий жавобгарлик тўғрисидаги кодексга ўзгартиш ва қўшимчалар киритиш тўғрисидаги қонун лойиҳасини қабул қилди. Бу ҳақда Парламент матбуот хизмати хабар берди.

Фото: «Дарё»

Фото: «Дарё»

«Gazeta.uz»нинг ёзишича, Жиноят кодексининг 139-модда 2-қисми (туҳмат) билан ОАВ ва интернет орқали тарқатилган туҳмат учун белгиланган жазо енгиллаштирилади. Келажакда ушбу қонунбузарлик учун БҲМнинг 200 дан 400 бараваригача жарима ёки 300 дан 360 соатгача мажбурий жамоат ишларига ёки 2 йилдан 3 йилгача ахлоқ тузатиш ишларига жалб этиш ёки бир йилгача озодликни чеклаш билан жазоланиши мумкин. Ҳозирча ушбу моддага кўра, бир йилга қадар озодликдан маҳрум этиш жазоси белгиланган.

Мазкур модданинг 3-қисмига кўра, ҳозирда турли хил оғирлаштирувчи ҳолатларда туҳмат қилиш — 1 йилдан 3 йилгача озодликни чеклаш ёки уч йилгача озодликдан маҳрум қилиш билан жазоланади. Депутатлар томонидан маъқулланган ўзгартиришларга кўра, ушбу санкциялар БҲМнинг 300 бараваридан 500 бараваригача жаримага тортиш ёки 360 дан 400 соатгача жамоат ишларига жалб этиш ёки 1 йилдан 3 йилгача озодликни чеклашни назарда тутади.

Ўзгартириш Жиноят кодексининг 140-модда 3-қисмига (ҳақорат қилиш) ҳам тааллуқли — жабрланувчини ўз хизмат ёки фуқаролик бурчини бажариши муносабати билан боғлиқ ҳолда ҳақорат қилганлик учун белгиланган бир йилгача озодликдан маҳрум этиш жазоси олиб ташланмоқда.

Бундан ташқари, қонун лойиҳаси билан Маъмурий жавобгарлик тўғрисидаги кодексга зўравонлик ва шафқатсизликни тарғиб қилувчи ахборотни оммавий ахборот воситалари, телекоммуникация ёки интернет тармоқларига жойлаштирганлик учун жавобгарликни белгилаш назарда тутилмоқда.

Янги қонун лойиҳасига кўра, бундай ҳаракатлар учун жарима миқдорини ошириш, фуқароларга базавий ҳисоблаш миқдорининг 50 бараваридан 400 бараваригача, мансабдор шахсларга эса 100 бараваридан 450 бараваригача миқдорда жарима солиш ҳақидаги меъёрни киритиш таклиф этилмоқда.

Қабул қилинган ҳужжат Сенат томонидан кўриб чиқилиши учун юборилган.

Изоҳ
Асосий янгиликлар
Спорт
Tata Steel Чесс 2023. Нодирбек Абдусатторов америкалик рақиби билан дуранг ўйнади ва ҳамон мусобақа пешқадами бўлиб турибди. Жавоҳир Синдоровда ҳам дуранг
Маҳаллий
Сурхондарёдан топилган айиқ боласи зоопаркка топширилди
Маҳаллий
Ўзбек тили дарслигида мусиқа асбоблари номи хато ёзилгани айтилди (видео)