Мичиган университети тадқиқотчилари коронавирус билан касалланган беморларнинг 40-60 фоизи яна касалхонага тушиб қолаётгани ёки пневмония ва юрак етишмовчилиги билан оғриган беморларга қараганда дастлабки 10 кун ичида вафот этаётганини аниқлади. Тегишли тадқиқот натижалари can Medical Association журналида чоп этилган.
Олимлар коронавирус билан касалланган беморга шифохонадан жавоб берилганининг биринчи ойида улар қайтадан касалхонага ётқизилаётгани, касаллик асоратлари юзага келаётгани ҳамда ўлим ҳолатлари содир бўлаётгани тўғрисидаги маълумотларни текширган.
Улар баҳор ва ёз фаслида 132 та VA Ann Arbor Healthcare System касалхоналар тармоғида даволаниб чиққан 2200 нафар беморни 60 кун давомида кузатган. Бу каби кузатиш ишлари коронавирусга боғлиқ бўлмаган пневмония билан касалланган 1800 нафар ва шу давр оралиғида юрак етишмовчилигидан даволаниб чиққан 3500 бемор устида ҳам олиб борилган.
Кузатишлар якунида коронавирус билан касалланган беморларнинг қайта касалхонага ётқизилиши ёки ўлим ҳолати умумий ҳисобда қолган икки касалликка қараганда камроқ бўлган. Шу билан бирга, дастлабки икки ойда COVID-19 билан оғриган беморларнинг 9 фоизи вафот этган ва салкам 20 фоизи касалхонага қайтган.
Қайта касалланиш хавфи қуйидаги сабабларга кўра юзага келган: коронавирус инфекциясининг қайталаниши — 30 фоиз ва сепсис — 8,5 фоиз беморда. Қайта касалланганларнинг 22 фоиздан ортиғи реанимацияга тушган.
Тадқиқотчиларнинг ҳисоблашича, коронавирус беморларнинг аксариятида бир неча ҳафта ва ойларга чўзилиб кетадиган бошқа жиддий касалликларни ҳам қўзғатади.
Шунингдек, таъкидланишича, ҳозирги вазият баҳор ва ёздагига қараганда мураккаб, шифохоналар юкламалар ортгани сабаб имкони борича тезроқ койка-ўринларни бўшатишга уринмоқда.
Аввалроқ коронавируснинг мутацияга учраш мойиллиги гриппга қараганда 30 марта кам эканлиги маълум бўлганди.
Изоҳ (0)