Олимлар ғайриоддий «товус-динозавр»нинг тасвирларини намойиш этди

Тадқиқотчилар ўзининг ташқи кўриниши билан бошқа турдошлари олдида мақтанишни яхши кўрган динозавр турини аниқлади, деб хабар беради Hi-Tech.Mail.ru.

Янги тур Ubirajara jubatus номини олган бўлиб, у «Найза нақши» деб таржима қилинади. Бу турдаги динозаврлар 110 миллион йил олдин Гондвана суперқитъасида яшаган. Уларнинг ўлчами товуқдек келган. Орқа қисмида ажойиб юнгидан ташқари, елка вазифасини бажарган икки жуфт қаттиқ структураси ҳам бўлган. Бу уларнинг ажратувчи фарқи ҳисобланган.

Суратларнинг бирида Ubirajara динозаври тасвирланган. Афтидан, у ёш нар ҳисобланади, бироқ елкасидаги «безак» одатда катта ёшдаги турларига керак. Қаттиқ структуралар бўртиб турган қанотларга ўхшайди, бироқ уларнинг таянчи йўқ. Тадқиқотчиларнинг ҳисоблашича, улар кератиндан (соч, тангача ёки парнинг одатдаги таркиби) таркиб топган ва динозаврларнинг эркин ҳаракатланишига халақит бермайди. Мазкур турларнинг ёрқин ранглари ўзларининг нақадар ажойиблигини мақтаниш ёки душманларини қўрқитиш учун керак бўлган.

У худди ҳозирги кундаги товусларни ёдга солади ва бу бекорга эмас. Тахминларга кўра, товуслар ва бу турдаги динозаврларнинг аждоди бир бўлган, шу сабабли уларнинг бир-бирига ўхшаш жиҳатлари мавжуд.

Ubirajara jubatus’нинг биринчи скелети бундан ўнлаб йиллар олдин Бразилия шимоли-шарқидаги Крато формациясидан топилган. У иккита оҳактош плиталарида сақланиб қолган бўлиб, улар бирлаштирилганда «бир-бирига жуда мос келган». Охир-оқибат плиталар Германияга олиб келиниб, Карлсруэдаги Табиат тарихи давлат музейида узоқ йиллар сақланган. Динозаврнинг ташқи кўриниши хусусияти ҳақида олимлар яқиндагина хабар топди. Улар тош қотган скелетларни яна бир бор текширишга қарор қилган, бироқ бу сафар рақамли рентген аппарати ёрдамида.