Ҳеч қайси аёл сочларини сийрак ва нозик бўлишини хоҳламайди. Аммо бу борада кимларнингдир омади чопган, яна кимникидир йўқ. Яхшиямки, мутахассислар сийрак сочларни қалин қилиш, ҳажм бериш бўйича бир қанча усулларни кашф этган.
Қандай шампундан фойдаланиш керак?
Мутахассислар «ҳажм учун» ёки «қалинлаштирувчи» каби хусусиятга эга шампунлардан фойдаланишни тавсия этмайди. Сабаби сочларга шунчаки оддий, аммо сифатли шампунь воситалари ёқиши мумкин. Агар сочлар бундай воситани яхши қабул қилса, ўз-ўзидан толаларда ўзгаришлар юз беради. Айнан қандайдир хусусиятга йўналтирилган шампунь воситалари таркибида бошқа фойдали моддалар камроқ қўлланиши мумкин. Шунинг учун улардан қанча кўп фойдаланилса ҳам, натижа сезилмайди.
Вақти-вақти билан сочлари калталатиб туриш фойдалими?
Кўпинча соч ўстиришни истаганлар уни калталатишни хоҳламайди. Натижада соч толалари ўсгани сари сийраклашиб, уч томони ҳажман камайиб боради. Лекин сочни мунтазам уч қисмидан бироз калталатиб туриш уларни янада қалинлашишига олиб келади. Муҳими, ҳар бир аёл ўзи учун идеал узунликни танлаши ва шу орқали сочларига қўшимча ҳажм бериши мумкин.
Қуруқ шампундан янги усулда фойдаланиб кўриш мумкин
Қуруқ шампунь – бу замонавий гўзаллик мўъжизаларидан бири. Шунингдек, ушбу воситада сочларни тоза қилишдан ҳам кўпроқ фойдали жиҳатлар мавжуд. Қуруқ шампунь таркибидаги крахмал ва минерал кукунлари соч толалари орасида ишқаланишни кучайтиради ва мавжуд ёғларни йўқ қилади. Шундан сўнг сочлар ўз-ўзида ҳажмдор бўла бошлайди.
Сочлар учун ҳам даво керак
Албатта, ҳар қандай мустаҳкам ва қалин соч ҳам тўғри парвариш қилинмаса, вақт ўтиб, сийрак ва синувчан бўлиб боради. Қалин ва ҳажмли сочларни истовчилар, уларни камроқ буклаши керак. Шундагина соч толалари синиб кетмаслиги мумкин. Бундан ташқари сочларни иссиқдан ҳимояловчи спрейдан ишлатиш тавсия этилади. Аммо уларни тез-тез ювиш ва мураккаб соч турмагидан воз кечиш керак.
Сочларга қисман ҳажм бериш
Сочларга енгил турмак беришда уларга қисман тароқ ёрдамида ҳажм бериш кифоя. Бунинг учун ингичка тароғдан фойдаланиш керак. Шунингдек, кўпроқ бошнинг орқа қисмидаги сочларга ҳажм бериш орқали кўринишни бўрттириб юбормаслик мумкин.
Сочларни бўяшда тўғри танлов
Сочларини бўямоқчи бўлган хонимлар нафақат унга ранг бериш, балки уларни ҳажмини ҳам кўпайтириши мумкин. Бунинг учун иложи борича аввалги рангдан кўра бироз ёрқинроқ ранг танланиши керак. Бундан ташқари, танлов юз териси ранги билан мос туришиши керак.
Сочларни қуритишда думалоқ тароқдан фойдаланиш муҳим
Сочларни тезроқ ва тартибга солиб қуритишда, албатта керамикадан ясалган тешикчали думалоқ тароқ фойдалидир. Тароқ тешигидан ўтган иссиқ ҳаво оқими уларни тезроқ қуритади. Думалоқ шаклдаги тароқ эса сочларга ҳажм беради.
Бош терисини ҳам бўяш лозим
Бош териси қанча ёрқин ва ялтироқ бўлса, сочлар ҳам шунча сийрак кўринади. Бунинг учун бош терисига қовоққа суриладиган тен ёки махсус бўёқли спрейлардан фойдаланиш керак. Улар бошдан 20 сантиметр масофада сепилади. Шундан сочлар ораси очилиб қолмайди ва ҳажмдордек кўринади.
Сочлар учун махсус витаминлар қабул қилиш керак
Махсус витамин ва парвариш маҳсулотларини дорихона ёки косметик воситалар дўконидан топиш мумкин. Сочлардаги ўзгаришга қараб мутахассислар танлов учун ёрдам беради. Соч учун витаминлар қабул қилиш муҳим бўлиб, соч толаларининг сиярклашуви гормонлар ўзгариши билан боғлиқ.
Дерматолог кўригидан ўтиш тавсия этилади
Сочлардаги мауммолар парвариш ёки махсус воситалар ёрдамида бартараф этилмаса, у ҳолда дерматолог ҳузурига бориш тавсия этилади. Соч сийраклашиши, тўкилиши каби ҳолатлар фон бузилишининг оқибатида келиб чиқади. Шифокор томонидан буюрилган муолажадан сўнг улар аввалгидек қалинлашиши мумкин.
Изоҳ (0)