Футбол бўйича Германия чемпионатининг 12-туридан ўрин олган бир қатор учрашувлар 15 декабрь, сешанба куни бўлиб ўтди.
«Боруссия Д» сафарда «Вердер»га қарши баҳс олиб борди. Учрашувнинг 12-дақиқасида Рафаэл Геррейру дортмундликларни олдинга олиб чиққан бўлса, 28-дақиқада Кевин Мевалд ҳисобни тенглаштирди. 78-дақиқада Марко Ройс пенальтини ижро этди, бироқ унинг зарбасини дарвозабон бартараф этди. Қайтган тўпга Ройс аниқ зарба бериб, жамоасининг иккинчи голини урди.
Шу тариқа «Боруссия Д» Люсьен Фавр истеъфосидан кейинги илк ўйинни ғалаба билан тугатди. Жамоа 22 очко билан 4-ўринга кўтарилди.
Мюнхенгладбахнинг «Боруссия»си «Айнтрахт» майдонига сафар қилди. Аввалига Ларс Штиндль меҳмонларнинг дастлабки голини урди. Бунга франкфуртликлар биринчи бўлимнинг ўзида Андре Сильванинг дубли ва Аймен Баркокнинг голи билан жавоб қайтарди.
Иккинчи бўлимнинг сўнгги дақиқаларида «Боруссия М» рақибга яна иккита тўп киритишга муваффақ бўлди. Штиндлнинг 90 ва 90+5-дақиқадаги голлари майдон эгаларига бир очкони тақдим этди.
Бундеслига
12-тур баҳслари
15 декабрь, сешанба
«Вердер» — «Боруссия Д» 1:2
Голлар: 0:1 – 12 Геррейру, 1:1 – 28 Мевалд, 1:2 – 78 Ройс.«Вердер»: Павленка, Гебре Селассие, Топрак (Агу, 86), Грос, Фридль, Аугустинссон, Мевалд (Волтемаде, 66), Эггештайн, Мбом (Шмид, 87), Осако (Эррас, 73), Саржент (Битенкур, 66).
«Боруссия Д»: Бюрки, Морей (Пишчек, 85), Ҳуммелс (Загаду, 85), Аканжи, Геррейру, Витцель, Санчо, Рейна, Беллингҳем (Брандт, 73), Ройс, Мукоко (Жан, 80).
Огоҳлантиришлар: Ройс (35), Грос (54), Витцель (59), Волтемаде (87), Шмид (90).
«Айнтрахт» — «Боруссия М» 3:3
Голлар: 0:1 – 14 Штиндль, 1:1 – 21, пенальти Андре Сильва, 2:1 – 24 Андре Сильва, 3:1 – 32 Баркок, 3:2 – 90, пенальти Штиндль, 3:3 – 90+5 Штиндль.«Штутгарт» — «Унион» Берлин 2:2
Голлар: 0:1 – 4 Фридрих, 0:2 – 77 Авонийи, 1:2 – 85 Калайжич, 2:2 – 90 Калайджич.«Ҳерта» — «Майнц» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)