UFC 256 мусобақасида бонусни қўлга киритган спортчилар маълум бўлди

Тошкент вақти билан 13 декабрь тонгида Лас-Вегасда (АҚШ) UFC 256 мусобақаси бўлиб ўтди.

Мусобақанинг асосий жанги мутлақ енгил вазн тоифаси чемпиони Дейвисон Фигередо (20-1-1) ва мексикалик яккакурашчи Брендон Морено (18-5-2) ўртасида кечди. Дуранг билан якун топган мазкур қарама-қаршилик «кеча жанги» мақомига лойиқ кўрилди. Бунинг эвазига ҳар икки жангчи 50 минг доллардан қўлга киритади.

Мусобақанинг энг яхши чиқиши йўналишида Рафаэл Физиев (9-1) бонусга эга бўлди. Қирғизистонлик яккакурашчи Ренато Мойканони (14-4-1) биринчи раунддаёқ нокаутга учратганди.

Шунингдек, Кевин Ҳолланд (21-5) ҳам UFC томонидан ажратилган 50 минг долларга эга бўлди. У 1-раунддаги техник нокаут эвазига Роналдо Соузани (26-9) таслим этганди.

UFC 256 жанглари видеосини бу ерда томоша қилиш мумкин — ҳавола.