Toshkent vaqti bilan 13-dekabr tongida Las-Vegasda (AQSh) UFC 256 musobaqasi bo‘lib o‘tdi.
Musobaqaning asosiy jangi mutlaq yengil vazn toifasi chempioni Deyvison Figeredo (20-1-1) va meksikalik yakkakurashchi Brendon Moreno (18-5-2) o‘rtasida kechdi. Durang bilan yakun topgan mazkur qarama-qarshilik “kecha jangi” maqomiga loyiq ko‘rildi. Buning evaziga har ikki jangchi 50 ming dollardan qo‘lga kiritadi.
Musobaqaning eng yaxshi chiqishi yo‘nalishida Rafael Fiziyev (9-1) bonusga ega bo‘ldi. Qirg‘izistonlik yakkakurashchi Renato Moykanoni (14-4-1) birinchi raunddayoq nokautga uchratgandi.
Shuningdek, Kevin Holland (21-5) ham UFC tomonidan ajratilgan 50 ming dollarga ega bo‘ldi. U 1-raunddagi texnik nokaut evaziga Ronaldo Souzani (26-9) taslim etgandi.
UFC 256 janglari videosini bu yerda tomosha qilish mumkin — havola.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)