Свазиленд (Эсватини) қироллигининг бош вазири Мандвуло Амброзе Дламини 53 ёшида COVID-19 билан касалланганидан сўнг Жанубий Африкадаги касалхонада вафот этди, деб хабар қилди Daily Mail.
Сиёсатчига ноябрь ойи ўрталарида коронавирус ташхиси қўйилган. 16 ноябрь куни у тест мусбат натижа кўрсатганини эълон қилди. Кейин у ўзини яхши ҳис қилаётганини маълум қилди.
Бироқ декабрь ойи бошида унинг соғлиғи кескин ёмонлашди ва соғайишини тезлаштириш мақсадида қўшни мамлакатдаги касалхонага ётқизилди. Дламини касалхонага ётқизилганидан икки ҳафта ўтгач вафот этди. Свазиленд қироли Мсвати III сиёсатчи вафоти муносабати билан ҳамдардлик билдирди.
Свазиленд – Африканинг жанубидаги денгизга чиқиш имконияти йўқ кичик мамлакат. У дунёдаги энг сўнгги мутлақ монархиялардан биридир.
Аввалроқ Молдова бош вазири, кичик Дональд Трамп ва Украина соғлиқни сақлаш вазири COVID-19’га чалингани ҳақида хабар берилганди.
Изоҳ (0)