Ҳукуматнинг «Ихтисослашган болалар кўнгилочар-маърифий телеканалини ташкил этиш тўғрисида»ги қарори қабул қилинди, дея хабар бермоқда Адлия вазирлиги.
Қарорга кўра, ихтисослашган болалар кўнгилочар-маърифий «Ақлвой» телеканали (болалар телеканали) ташкил этилади.
Маълумотни қизиқарли ва тушунарли шаклда тақдим этиш орқали болаларнинг билим олиш фаоллигини рағбатлантириш, интеллектуал ва ижодий кўникмаларини ривожлантириш (edutainment) телеканалнинг асосий вазифа ва фаолият йўналишларидан бири ҳисобланади.
Мазкур телеканал:
- Edumedia Corporation қошида юридик шахс ташкил этмасдан таъсис этилади;
- республиканинг барча ҳудудларида етказиладиган умумфойдаланишдаги ижтимоий рақамли телеэшиттиришлар пакети таркибига киритилади;
- ўзини ўзи молиялаштириш асосида фаолият юритади.
Изоҳ (0)