YouTube’даги Deutsche Auto Parts каналида Volkswagen Golf’нинг ашаддий ишқибози бўлган Стив Смит исмли фуқарога бағишланган видео пайдо бўлди. Эркак бутун умри давомида ихчам хэтчбекларни йиғиш билан шуғулланган. Айни вақтда унинг 17 та Golf’и бор бўлиб, улардан бири ҳақиқатда ноёб, деб хабар беради Motor.
Стив Смитнинг айтишича, у Volkswagen Golf’ни укаси билан Германияда яшаган вақтида тўплашни бошлаган. АҚШга кўчиб ўтганидан сўнг, улар автомобилларни ўзлари билан олиб келган ва коллекциясини тўлдиришни давом этган. Ҳозирда эркакнинг 6 нусха биринчи авлод Golf’ GTI’си мавжуд. Немис маркасининг машҳур модели 1976—1983 йиллар оралиғида ишлаб чиқарилган. Шунингдек, Смитнинг орқа ҳовлисида марканинг карбюратор бензин двигателли сўнгги хэтчбекига айланган иккинчи авлод Golf’и ҳам бор.
Ака-уканинг коллекциясидан ўрин олган энг ноёб модель — модификацияга учраган иккинчи авлод пойга машинаси. Golf Rallye 1988 йилдан 1990 йилга қадар ишлаб чиқарилган. Немис концерни бу турдаги «ўқланган» нусхадан жами 5 мингта яратган бўлиб, уларнинг 15 таси АҚШда. Тўлиқ узатмали хетчбек 160 от кучига эга 1,8 литрли бензин двигатель билан жиҳозланган бўлиб, механик узатмалар қутиси ёрдамида бошқарилади. Машина соатига 100 километр тезликка 8,6 сонияда эришади.
Айни вақтда ака-уканинг коллекциясидан 17 та Gold ўрин олган, бироқ уларнинг айримларини ҳолати ачинарли. Эркаклар муҳандис-механик бўлиб ишлаганликлари сабаб, улар сотиб олинган машиналарини ўзлари мустақил таъмирлаб келади. Коллексионерлар харид қилинган барча хетчбекларни идеал ҳолатга келтиришни режалаштирмоқда.
Аввалроқ Volkswagen компанияси e-Golf электрохэтчбекини буюртма қилган мижозларга янги хизматларни таклиф этиши маълум бўлганди. Эндиликда харидорлар Дрездендаги конвейрга кириши ва 215 евро эвазига ўз машинасининг йиғилишини томоша қилиши мумкин.
Изоҳ (0)