Британияда BMW М3 модели пойга машинасига айлантирилди (фото)

Буюк Британияда Bring a Trailer аукциони орқали пойга машинасига айлантирилган BMW М3 сотувга қўйилди, деб хабар беради CARakoom.

Ушбу модель Evo услубидаги шиша толадан яратилган бошқарилувчи бамперлар, массив антиқанот, шиша пластикли юкхона томи, полиуретан ойна ва шиша пластик капотга эга бўлган. Кузовига эса афсонавий Bastos / Motul эмблемаси туширилган.

Машина фақатгина ташқи томони билан ўзгаришга учрамаган. BMW М3 жиддий модификацияли S14 моторига эга бўлган. Ўзгартириш ишларини Британиянинг Butler Motorsports компанияси амалга оширган.

Двигатель олти поғонали Samsonas Motorsport узатмалар қутисига уланган. Бундан ташқари, моделга Brembo’нинг янгиланган тормозлари ва К&W’га тегишли бошқарилувчан «койловер»лар ўрнатилган. Шунингдек, салон пойгада қатнашиш учун тўлиқ тайёр бўлиб, хавфсизлик каркаси ва пойга машиналарига хос ўриндиқларга эга.

Аввалроқ Краснодарда «Запорожец» асосида яратилган «Formula-1» болиди сотувга қўйилгани тўғрисида хабар берилганди.