«Ипотека кредити механизмлари янада такомиллаштирилиши муносабати билан Ўзбекистон Республикаси Президенти ва Ўзбекистон Республикаси ҳукуматининг айрим ҳужжатларига ўзгартириш ва қўшимчалар киритиш тўғрисида»ги Президент фармони қабул қилинди.
Фармонига кўра, хусусий пудратчилардан хоналарга бўлинмай қурилган квартираларни сотиб олиш учун бериладиган ипотека кредитларининг чекланган миқдори қуйидагича белгиланди:
- Умумий майдони 60 квадрат метргача бўлган квартиралар хариди учун — 264 миллион сўм (Тошкент шаҳри учун), 240 миллион сўм (бошқа ҳудудлар учун),
- 60 квадрат метрдан ортиқ бўлган хонадонлар хариди учун — 352 миллион сўм (Тошкент шаҳри учун), 320 миллион сўм (бошқа ҳудудлар учун).
Бундан ташқари, субсидия олиш учун мурожаат қилган ариза берувчининг даромадларига бошқа шахслар даромадлари ҳам киритилиши мумкинлиги белгиланди.
Аввалроқ Ўзбекистонда 500 дан ортиқ арзон уй-жойларга фотоэлектр тизимини ўрнатиш тендер савдоларисиз амалга оширилгани аниқлангани ва Ўзбекистонда бир кишига ўртача 16 квадрат метр уй-жой майдони тўғри келиши ҳақида хабар берилганди.
Изоҳ (0)