“Ipoteka krediti mexanizmlari yanada takomillashtirilishi munosabati bilan O‘zbekiston Respublikasi Prezidenti va O‘zbekiston Respublikasi hukumatining ayrim hujjatlariga o‘zgartirish va qo‘shimchalar kiritish to‘g‘risida”gi Prezident farmoni qabul qilindi.
Farmoniga ko‘ra, xususiy pudratchilardan xonalarga bo‘linmay qurilgan kvartiralarni sotib olish uchun beriladigan ipoteka kreditlarining cheklangan miqdori quyidagicha belgilandi:
- Umumiy maydoni 60 kvadrat metrgacha bo‘lgan kvartiralar xaridi uchun — 264 million so‘m (Toshkent shahri uchun), 240 million so‘m (boshqa hududlar uchun),
- 60 kvadrat metrdan ortiq bo‘lgan xonadonlar xaridi uchun — 352 million so‘m (Toshkent shahri uchun), 320 million so‘m (boshqa hududlar uchun).
Bundan tashqari, subsidiya olish uchun murojaat qilgan ariza beruvchining daromadlariga boshqa shaxslar daromadlari ham kiritilishi mumkinligi belgilandi.
Avvalroq O‘zbekistonda 500 dan ortiq arzon uy-joylarga fotoelektr tizimini o‘rnatish tender savdolarisiz amalga oshirilgani aniqlangani va O‘zbekistonda bir kishiga o‘rtacha 16 kvadrat metr uy-joy maydoni to‘g‘ri kelishi haqida xabar berilgandi.
Izoh (0)