Бугун,

  • USD 11095.31
  • RUB 173.84
  • EUR 10772.44

Чемпионлар Лигасининг B гуруҳида 9 декабрь, чоршанба тунида сўнгги тур ўйинлари ўтказилади.

Фото: Getty Images

Фото: Getty Images

Айни дамда гуруҳ қуйидаги кўринишни олган:

  1. «Боруссия М» — 8 очко
  2. «Шахтёр» — 7
  3. «Реал» — 7
  4. «Интер» — 5

Зинедин Зидан қўл остидаги «Реал» 6-турда ўз уйида «Боруссия М»га қарши ўйнайди. «Интер» эса «Шахтёр» билан баҳс юритади. Мадридликлар кейинги босқичга йўл олиш учун ғалаба қозонса бас, бироқ ундай бўлмаган тақдирда гуруҳдаги ҳолат қандай кўриниш олиши ҳақида гаплашамиз.

Мадридликларни мағлубият умуман қониқтирмайди. Агар «Реал» мағлубиятга учраса ва гуруҳдаги иккинчи ўйинда  «Шахтёр» ҳам ютқазиб қўйса, у ҳолда Зидан шогирдлари гуруҳда сўнгги ўринни эгаллайди. «Интер» мағлубиятга учрайдиган бўлса ёки дуранг қайд этса, «Реал» Европа Лигасига равона бўлади.

Дуранг натижа ҳам «Қироллик клуби»ни плей-оффга олиб чиқиши мумкин. Бироқ бунинг учун иккинчи ўйинда «Интер» ғалаба қозониши керак. Шунда Мадрид ва Милан жамоаларининг очколари бир хил кўриниш олади, «Реал» эса ўзаро ўйинлардаги устунлик эвазига кейинги босқичга чиқади.

Барча учрашувларда дуранг қайд этилган тақдирда «Шахтёр» ўзаро ўйинлардаги устунлик боис «Реал»дан олдинда бўлади. «Боруссия М» ҳам ўз ўрнини сақлаб қолади.

«Реал» ғалаба қозонган тақдирда камида иккинчи ўрин масаласини ҳал қилади. Агар гуруҳнинг кейинги ўйинида «Шахтёр» очко йўқоца, у ҳолда мадридликлар биринчи ўрин билан 1/8 финалга йўл олади.

Хуллас, сўнгги тур олдидан барчада имконият бор, фақатгина «Интер» кейинги босқич масаласини ҳал қилиш учун ўзи зафар қучиш билан бирга, параллел ўйин натижаси билан ҳисоблашишга мажбур.

Мазкур ўйинлар 9 декабрдан 10 декабрга ўтар кечаси 01:00 да бошланади.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!

Изоҳ
Асосий янгиликлар
Маданият
Малика Диананинг кўйлаги Sotheby’s аукционида рекорд нархга сотилди
Молия
Ўзбекистондаги энг фаол банклар рейтинги янгиланди. Нималар ўзгарди?
Дунё
Покистонда масжиддаги портлаш қурбонлари сони қарийб 60 кишига етди (фото)