Nokia Европа Иттифоқининг пуллари эвазига 6G технологиясини ривожлантириш билан шуғулланади

Nokia янги авлод алоқа тармоғи — 6G’ни ривожлантириш билан шуғулланадиган компаниялар гуруҳига бошчилик қилади. Бу ҳақда Bloomberg хабар берди.

Лойиҳа Hexa-Х номини олган бўлиб, уни Европа Иттифоқи молиялаштиради.

Тахминларга кўра, 6G терагерцли частоталарда ишлайди ва «инсон танаси ва миясидаги технологияларга уланиш» имконини берадиган аълоқани таъминлайди, шунингдек, реал вақтда голограммалар яратиш имконини беради.

Мазкур технология 2030 йилга бориб ишга тушиши кутилмоқда.

Bloomberg’нинг ёзишича, ҳали 5G тармоғи «бошланғич босқичда эканлигига қарамай», айрим давлатлар 6G устида иш бошлаб юборган. Хусусан, АҚШда Next G Alliance ва О-RAN Alliance лойиҳалари бор. Хитойда эса 6G алоқа тармоғини яратишни ҳукумат молиялаштирмоқда.

Эслатиб ўтамиз, 2018 йилнинг сентябрида OuLu университети профессори Ари Поутту 6G технологияларини жорий этиш учун ўн йилликлар кераклигини ва у 2030 йилга келиб пайдо бўлишини айтган эди.