Самарқанд вилояти Иштиҳон туманида 3 декабрь куни юз берган йўл-транспорт ҳодисаси оқибатида бир киши вафот этди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум бўлишича, 3 декабрь куни соат 23:30 да Иштиҳон туманидан ўтувчи М-37 автомобиль йўлининг 59-километрида Nexia-3 автомобили ва пиёда иштирокида ЙТҲ содир бўлган. Бухоро вилоятидан Сирдарё вилоятига ҳаракатланиб кетаётган Nexia-3 ҳайдовчиси йўлни белгиланмаган жойдан кесиб ўтаётган пиёдани уриб юборган. Пиёда олган тан жароҳатлари натижасида ҳодиса жойида вафот этган.
Хабар берилишича, йўл-транспорт ҳодисасига қалин туман тушганлиги ва пиёданинг йўлни белгиланмаган жойдан кесиб ўтгани сабаб бўлган.
Мавзуга доир:
Изоҳ (0)