Шавкат Мирзиёев «2021 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги фармонни имзолади. Бу ҳақда Адлия вазирлиги матбуот хизмати хабар берди.

Фото: «Дарё»

Фармонга мувофиқ, 2021 йилда фуқаролар расмий саналарни нишонлаш даврида тўлиқ дам олиши учун шарт-шароитлар яратиш мақсадида 2021 йилда қуйидаги қўшимча дам олиш кунлари белгиланди:

  • 2 сентябрь — пайшанба;
  • 3 сентябрь — жума.

Шунингдек, фармонда қайд этилишича, 2021 йил 2 январь (шанба), 20 март (шанба), 22 март (душанба) ва 4 сентябрь (шанба) кунлари барча ходимлар учун иш ҳафтасининг туридан қатъи назар, дам олиш кунлари бўлади.