Футбол бўйича Европа Чемпионлар Лигасининг 5-туридан ўрин олган иккита ўйин 1 декабрь, сешанба куни бўлиб ўтди.
Мадриднинг «Реал» жамоаси «Шахтёр» меҳмони бўлди. Учрашувнинг биринчи бўлими мадридликларнинг устунлигида ўтди, бироқ Зинедин Зидан шогирдлари қатор вазиятларни кўкка совурди.
Иккинчи бўлим дебютида Дентинё украинларнинг ҳужумини муваффақиятли якунлади. Голдан кейин мадридликлар рақиб жарима майдони ёнида бирорта хавфли вазият содир эта олмади. 82-дақиқада эса Манор Соломон мезбонларнинг иккинчи голини урди.
Шу тариқа «Шахтёр» иккинчи ўйинда ҳам «Реал»ни таслим этди ва очколарини 7 тага етказиб олган ҳолда 2-ўринга кўтарилди. «Реал» (7) эса учинчи поғонага тушиб кетди.
Сўнгги турда мадридликлар «Боруссия М»га қарши майдонга тушса, «Шахтёр» сафарда «Интер» билан ўйнайди.
Москванинг «Локомотив» жамоаси ўз майдонида «Зальцбург»га имкониятни бой берди
Чемпионлар Лигаси
5-тур баҳслари
1 декабрь, сешанба
B гуруҳи
«Шахтёр» Украина — «Реал Мадрид» Испания 2:0
Голлар: 1:0 – 57 Дентинё, 2:0 – 82 Соломон.«Шахтёр»: Трубин, Матвиенко, Витао, Бондар, Додо, Марлос (Майкон, 73), Тете, Степаненко, Тайсон (Соломон, 74), Коваленко (Алан Патрик, 85), Мораес (Дентинё, 25; Фернандо Педро, 85).
«Реал Мадрид»: Куртуа, Варан, Начо, Менди, Васкес, Кроос, Эдегор (Иско, 77), Асенсио, Модрич, Родриго (Винисиус Жуниор, 77), Бензема (Мариано Диас, 77).
Огоҳлантириш: Варан (14).
А гуруҳи
«Локомотив» Россия — «Зальцбург» Австрия 1:3
Голлар: 0:1 – 28 Бериша, 0:2 – 41 Бериша, 1:2 – 79, пенальти Миранчук, 1:3 – 81 Адееми.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)