Енгил вазн тоифасида UFC чемпиони Ҳабиб Нурмагомедов 1 декабрь куни Тошкентда бўлиб ўтган матбуот анжуманида MMA спорт турини Олимпиада дастурига киритиш масаласидаги фикри билан бўлишди. Бу ҳақда «Дарё» мухбири хабар қилмоқда.
MMA’ни Олимпиада дастурига киритилиши — менинг яқин йиллар ичидаги асосий вазифаларимдан бири, биз аллақачон бу йўналишда иш олиб боряпмиз. Яқин орада бу борада кўплаб учрашувларда қатнашаман, хусусан, халқаро Олимпия қўмитаси президенти билан ҳам кўришаман. Ўйлашимча, Париждагига (2024 йил) бўлмаса ҳам, Лос-Анжелесдаги ўйинларга MMA’ни олиб кириш имкониятимиз юқори.Бунда ягона савол — спортнинг бешафқатлигида. Олимпиадада бу оқланмайди, улар кўп қон бўлиши истамайди. Шу сабаб бокс қоидаларига ҳам ўзгартиришлар киритилган.
Бироқ машҳурлик, ҳомийларни жалб қилиш, телевидение қизиқиши бўйича MMA, ўйлашимча, Олимпиадада футбол ва енгил атлетика билан бир хил даражада туради.
2024 йилги Олимпиадага улгурмасак керак, бироқ 2028 йилги ўйинларга MMA’ни олиб киришни истардик.
Ҳабиб Нурмагомедов, UFC жангчиси
Мавзуга доир:
- Ҳабиб Нурмагомедов эгалик қиладиган EFC промоушени Ўзбекистонда мусобақа ўтказади
- Болалик, UFC, яшаш тарзи, машиналар ва шахсий ҳаёт. Ҳабиб Нурмагомедовнинг ҳаёт йўли ҳақида
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)