Профессионал футбол лигаси (ПФЛ) бош директори вазифасини бажарувчи Диёр Имомхўжаев Про-Лига 20-тури доирасида ўтган «Нефтчи» — «Турон» учрашувида (0:1) юзага келган ҳолатга муносабат билдирди.
«Нефтчи» — «Турон» учрашуви ҳакамлари ўйинни эътирозларсиз бошқариб борди. Улар билан ҳозир ҳаммаси жойида. ПФЛ мураккаб учрашувда ишлаган ҳакамлар гуруҳига миннатдорчилик билдиради.Эслатиб ўтамиз, мазкур учрашувдан кейин «Нефтчи» футболчилари учрашув бош ҳаками Шавкат Насибуллаев ва унинг ёрдамчиларига ўз норозилигини кескин тарзда билдирди. Вазиятларнинг бирида мезбонлар футболчиси ҳакам оёқ билан кучли зарба берди, шунингдек, вазиятга мухлислар ҳам аралашган.Шунингдек, учрашувни бошидан охирига қадар стадиондан кузатиб борган, тақдирлаш маросимида иштирок этган Фарғона вилояти ҳокими Хайрулла Бозоровга миннатдорчилик билдирамиз. Учрашув фантастик руҳда ўтди ва у узоқ йиллар унутилмайдиган бўлди. Учрашувдан кейинги ҳолатлар ЎФА томонидан алоҳида ўрганилади.
Диёр Имомхўжаев, ПФЛ бош директори вазифасини бажарувчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)