Ўзбекистон ички ишлар вазирининг буйруғи билан Тошкент вилояти ички ишлар бош бошқармаси ва туманлар ички ишлар органларида лавозим тайинловлари амалга оширилди. Бу ҳақда Тошкент вилояти ИИББ ахборот хизмати хабар берди.
Подполковник Зокиров Ҳамид Раҳимжонович Тошкент вилояти ИИББ Молия ва моддий-техника таъминоти бошқармаси бошлиғи лавозимига тайинланди. Тайинловга қадар Ҳамид Зокиров Тошкент вилояти ИИББ Молия ва моддий-техника таъминоти бошқармаси бошлиғининг ўринбосари — моддий-техника ва хўжалик хизмати бошлиғи лавозимида фаолият юритган.
Подполковник Норов Соҳибжон Зикриллаевич Тошкент вилояти ИИББ Терроризм ва экстремизмга қарши курашиш бошқармаси бошлиғи лавозимига тайинланди. Тайинловга қадар Соҳибжон Норов Тошкент вилояти ИИББ Терроризм ва экстремизмга қарши курашиш бошқармасида масъул лавозимда фаолият юритган.
Подполковник Азимов Толибжон Ғофурович Тошкент вилояти ИИББ Молия ва моддий-техника таъминоти бошқармаси бошлиғининг ўринбосари — моддий-техника ва хўжалик хизмати бошлиғи лавозимига тайинланди. Толибжон Азимов мазкур тайинловга қадар ИИВ тизимида масъул лавозимда фаолият юритган.
Майор Қаюмов Ботир Исмоилович Қуйи Чирчиқ тумани ИИБ бошлиғининг биринчи ўринбосари лавозимига тайинланди. Тайинловга қадар Ботир Қаюмов Оҳангарон тумани ИИБ Жиноят қидирув бўлинмаси бошлиғи лавозимида ишлаган.
Оққўрғон тумани ИИБ Жиноят қидирув бўлинмаси бошлиғи лавозимида фаолият юритган подполковник Худойқулов Валижон Анорқулович Оққўрғон тумани ИИБ бошлиғининг биринчи ўринбосари лавозимини эгаллади.
Подполковник Султонов Нарзулла Бекмурзаевич Бекобод тумани ИИБ бошлиғининг биринчи ўринбосари лавозимига тайинланди. Тайинловга қадар Нарзулла Султонов Бекобод тумани ИИБ Жиноят қидирув бўлинмаси бошлиғи лавозимида ишлаб келган.
Изоҳ (0)