O‘zbekiston ichki ishlar vazirining buyrug‘i bilan Toshkent viloyati ichki ishlar bosh boshqarmasi va tumanlar ichki ishlar organlarida lavozim tayinlovlari amalga oshirildi. Bu haqda Toshkent viloyati IIBB axborot xizmati xabar berdi.
Podpolkovnik Zokirov Hamid Rahimjonovich Toshkent viloyati IIBB Moliya va moddiy-texnika ta’minoti boshqarmasi boshlig‘i lavozimiga tayinlandi. Tayinlovga qadar Hamid Zokirov Toshkent viloyati IIBB Moliya va moddiy-texnika ta’minoti boshqarmasi boshlig‘ining o‘rinbosari — moddiy-texnika va xo‘jalik xizmati boshlig‘i lavozimida faoliyat yuritgan.
Podpolkovnik Norov Sohibjon Zikrillayevich Toshkent viloyati IIBB Terrorizm va ekstremizmga qarshi kurashish boshqarmasi boshlig‘i lavozimiga tayinlandi. Tayinlovga qadar Sohibjon Norov Toshkent viloyati IIBB Terrorizm va ekstremizmga qarshi kurashish boshqarmasida mas’ul lavozimda faoliyat yuritgan.
Podpolkovnik Azimov Tolibjon G‘ofurovich Toshkent viloyati IIBB Moliya va moddiy-texnika ta’minoti boshqarmasi boshlig‘ining o‘rinbosari — moddiy-texnika va xo‘jalik xizmati boshlig‘i lavozimiga tayinlandi. Tolibjon Azimov mazkur tayinlovga qadar IIV tizimida mas’ul lavozimda faoliyat yuritgan.
Mayor Qayumov Botir Ismoilovich Quyi Chirchiq tumani IIB boshlig‘ining birinchi o‘rinbosari lavozimiga tayinlandi. Tayinlovga qadar Botir Qayumov Ohangaron tumani IIB Jinoyat qidiruv bo‘linmasi boshlig‘i lavozimida ishlagan.
Oqqo‘rg‘on tumani IIB Jinoyat qidiruv bo‘linmasi boshlig‘i lavozimida faoliyat yuritgan podpolkovnik Xudoyqulov Valijon Anorqulovich Oqqo‘rg‘on tumani IIB boshlig‘ining birinchi o‘rinbosari lavozimini egalladi.
Podpolkovnik Sultonov Narzulla Bekmurzayevich Bekobod tumani IIB boshlig‘ining birinchi o‘rinbosari lavozimiga tayinlandi. Tayinlovga qadar Narzulla Sultonov Bekobod tumani IIB Jinoyat qidiruv bo‘linmasi boshlig‘i lavozimida ishlab kelgan.
Izoh (0)