Эрон президент Ҳасан Руҳоний ядро физикаси бўйича олим Муҳсин Фахризода ўлдириб кетилганидан кейин бу каби ҳолатларни яна содир бўлишининг олдини олиш юзасидан фармойишни имзолади.
Ҳасан Руҳоний «қўрқоқларча қилинган қотиллик»дан хафа эканини билдириб, олимнинг мазлумларча ҳалок бўлганини қайд этди. У бу каби салбий ҳолатлар такрорланишининг олдини олиш бўйича топшириқ берган. Президент фармойишида душманларнинг хатти-ҳаракатларига қарши курашиш юзасидан буйруқ берилган.
Физик олим Муҳсин Фахризода 27 ноябрда ўлдириб кетилган. Унинг автомобили Теҳрон яқинидаги провинцияда ўққа тутилган. Ҳасан Руҳоний мазкур жиноят ортида Исроил ҳукумати турганини тахмин қилган. Туркия эронлик олим ўлдирилганидан кейин минтақада тинчликни бузмасликка чақирган.
25 ноябрда Axios ўз манбаларига таяниб, Исроил ҳарбийлари АҚШнинг Эронга ҳарбий зарбасига тайёргарлик кўраётганини хабар қилганди. Охирги 10 йил ичида Эронда яна 4 нафар ядро физиклари ўлдириб кетилган.
Изоҳ (0)