Афғонистон марказидаги Ғазни шаҳрида портлаш юз берди, қурбонлар бор, деб хабар бермоқда «РБК» Arianа News’га таяниб.
Сўнгги маълумотларга кўра, портлаш оқибатида 28 киши ҳалок бўлди, 19 киши жароҳат олди. Гувоҳлар хавфсизлик хизмати ходимлари ва жангарилар ўртасидаги тўқнашув бўлганлигини маълум қилган.
Афғонистон қуролли кучлари базаси яқинида худкуш-террорчи бўлган автомашина портлаган. Маҳаллий касалхона раҳбари жабрланганларнинг барчаси ҳарбий хизматчилар эканлигини маълум қилган. Ҳали биронта гуруҳ ҳужум учун жавобгарликни ўз зиммасига олмаган.
Ноябрь ойи бошида қуролланган шахслар Кобулдаги университетга ҳужум қилганди. Оқибатда 19 киши ҳалок ва 22 киши жароҳатланганди. Теракт туфайли мамлакат ҳукумати мотам эълон қилган.
Аввалроқ Европа Иттифоқи дипломатлари иштирок этган Саудия Арабистони қабристонидаги маросимда портлаш юз бергани, камида тўрт киши жароҳатлангани хабар берилган эди.
Изоҳ (0)