Италияликлар AstraZeneca’дан коронавирусга қарши вакцинани уч евродан кам бўлган нархда сотиб олиши мумкин бўлади. «Интерфакс»нинг ёзишича, бу ҳақда компанияни Италиядаги бўлими раҳбари Лорензо Виттум маълум қилган.
«Вакцинанинг яроқлик муддати олти ой бўлади. Уни уй шароитида — музлатгичда, икки даражада совуқдан саккиз даражага илиқ ҳавода сақлаш мумкин. Нархи уч евродан кам бўлади», — дея унинг сўзларидан иқтибос келтирган «Messadjero» газетаси.
Виттумнинг айтишича, вакцина захиралари Италияда, Рим яқинидаги сақланмоқда. Препаратни қўллашга руҳсат олингандан сўнг, ушбу захирани тез тарқатишни йўлга қўйиш мумкин.
Британиянинг AstraZeneca фармасевтика компанияси томонидан ишлаб чиқарилган COVID-19 коронавирусга қарши вакцина Буюк Британия ва Бразилияда ўтказилган оралиқ синовларда ўртача 70 фоиз самарадорлигини кўрсатди. Дастлабки синов натижалари 90 фоиз самарадорликни кўрсатган.
AstraZeneca компанияси ўзи томонидан яратилган вакцинадан фойдаланишга рухсат берилса, 2021 йилда 3 миллиард доза вакцина ишлаб чиқаришга тайёр.
Аввалроқ АҚШнинг Pfizer компанияси Германиянинг BioNTech компанияси билан биргаликда ишлаб чиқарилган COVID-19‘га қарши вакцинанинг самарадорлиги 95 фоизни ташкил этишини маълум қилгани ҳақида хабар берилган эди. Ушбу вакцинанинг дозаси АҚШ учун 19,5 долларни ташкил этади (иккала компонентнинг қабул қилиниши 39 долларга тушади), бошқа бир Америка компанияси Moderna вакцинасининг бир дозаси нархи эса 25-37 долларни ташкил қилади.
Россиянинг коронавирусга қарши «Sputnik V» вакцинаси самарадорлиги 95 фоиздан ошгани маълум қилинган. Унинг иккита дозаси нархи халқаро бозор учун, тахминан, 20 долларни ташкил қилади, россияликлар учун вакцина бепул бўлади.
Изоҳ (0)