Жанубий Корея ҳарбийлари 2020 йилнинг ноябрь ойи бошида КХДР билан чегарани пиёда кесиб ўтган вақтида қўлга олинган Шимолий Корея фуқаросига нисбатан терговни давом эттирмоқда. Бу ҳақда Meduza хабар берди.
Жанубий Кореянинг The Korea Herald газетаси ёзишича, қўлга олинган эркак гимнастикачи бўлгани ҳамда КХДР ва Жанубий Корея ўртасидаги чегарада уч метрли тўсиқдан сакраб ўтишга муваффақ бўлганини айтган.
The Korea Herald газетаси манбасининг таъкидлашича, шимоллик эркак айтган сўзларни исботлаш учун у икки марта сакрашга мажбур қилинган. Сакраш чегарадаги тўсиқда ёки бошқа бир жойда амалга оширилганига аниқлик киритилмаган.
Газетанинг маълумотларига кўра, КХДР фуқароси 20 ёшда. Жанубий Корея ҳарбийлари унинг қочиб келиш сабаби ва ҳаракат йўналишини ўрганмоқда. Шунингдек, чегара тўсиғидаги датчиклар нима сабабдан сигнализацияни ишлатмаганига аниқлик киритилмоқда.
Бундан ташқари, ҳарбий раҳбарият чегарани кесиб ўтиш билан боғлиқ ҳодиса учун жавобгар бўлган бўлинмага нисбатан олиб борилган текширув натижаларини ҳали маълум қилмаган.
Изоҳ (0)