Россиянинг коронавирусга қарши курашиш тезкор штаби томонидан тақдим этилган расмий статистика ортиқча ўлим ҳолати кўрсаткичларидан бир неча баробарга фарқ қилмоқда, деб хабар беради Meduza.
«Медиазона»нинг ёзишича, 2020 йилнинг апрелидан октябрига қадар Россияда сўнгги беш йил ичидаги ушбу даврга нисбатан 120 минг нафарга кўпроқ одам вафот этган. Тезкор штаб эса бу вақт оралиғида 28,2 минг киши вафот этганини маълум қилган.
Апрелдан сентябрга қадар — «Росстат»нинг мазкур ойлар бўйича тўлиқ маълумотларида — мамлакатдаги ортиқча ўлим ҳолати 106 минг кишини ташкил этган. «Росстат»нинг ўзи ўтган давр мобайнида коронавирусдан 55,6 минг одам вафот этганини ҳисоблаган; тезкор штаб эса 20,7 мингта ўлим ҳолати ҳақида хабар берган.
Демограф Алексей Рашканинг сўзларига кўра, ортиқча ўлим ҳолатининг барчаси ҳам коронавирус сабаб юзага келмаган — кўпчилиги соғлиқни сақлаш тизимида юкламанинг ортиб кетганига боғлиқ: «Тезкор хизматлар банд — кимдадир инфаркт, яна бошқасида нимадир. Режали операциялар қолдирилмоқда».
Таъкидланишича, турли минтақалар пандемияга боғлиқ ўлим ҳолатларини турлича тан олмоқда. Масалан, Тива, Коми, Санкт-Петербург, Москва, Москва ва Магадан вилоятлари ортиқча ўлимларнинг деярли барчасини коронавирусга боғламоқда. Чеченистон, Татаристон, Бошқирдистон, Липецк ва Ленинград вилоятлари аксинча, ортиқча ўлим расман ҳеч қандай изоҳланмаган.
Эпидемия вақтида энг оғир ой июлда содир бўлган — бу вақт Россияда ўлим ҳолати 21 фоизга ошган. Россиянинг 23 минтақасидаги мавжуд маълумотларга кўра, ўлим ҳолати 32 фоизга ошган.
Жонс Ҳопкинс маълумотларига кўра, Россия коронавирус қайд этилганлар сони бўйича дунёда АҚШ, Ҳиндистон, Бразилия ва Франциядан кейин бешинчи ўринда. Айни пайтда коронавирусга чалинганлар сони дунёда 58 миллиондан ошган.
Изоҳ (0)