«Милан» Италия А Серияси 8-турида «Наполи»ни мағлубиятга учратди (3:1).
Учрашувда миланликлар ҳужумчиси Златан Ибрагимович дубль қайд этди. Бу орқали 39 ёшли футболчи Европа кучли бешлик лигаларидаги голлари сонини 288 тага етказди. Златан умумий рўйхатда «Ливерпуль» собиқ форварди Гордон Ҳожсонни (287) ортда қолдирди.
Эндиликда у энг яхши тўпурарлар рўйхатида 8-ўринни эгаллаб турибди. Рейтингнинг биринчи поғонасида «Ювентус» ҳужумчиси Криштиану Роналду (455) бораётган бўлса, кейинги ўриндан «Барселона» футболчиси Лионель Месси (447) жой олган.
Ибрагимович А Серияда «Ювентус» ва «Интер», Ла Лигада «Барселона», АПЛда «Манчестер Юнайтед» ҳамда Лига 1 да ПСЖ сафида тўп киритган.
Топ-5 лигалар тарихидаги энг яхши тўпурарлар:
- Криштиану Роналду(«Ювентус») — 455 та гол;
- Лионель Месси(«Барселона») — 447;
- Жимми Гривз — 366;
- Герд Мюллер — 365;
- Стив Блумер — 317;
- Дикси Дин — 310;
- Делио Оннис — 299;
- Златан Ибрагимович («Милан») — 288;
- Гордон Ҳожсон — 287.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)