«Реал» бош мураббийи Зинедин Зидан Ла Лига 10-тури доирасида «Вильярреал»га қарши кечадиган баҳс олдидан тақвим борасидаги фикрлари билан ўртоқлашди.
Бу борада тортишувга бормоқчимасман. Бироқ шуни айтишим керак, ҳозирги тақвим — ҳаддан ташқари. Мен фақат футболчилар соғлиғи ҳақида ўйлаяпман ва бошқа ҳеч нарса. Улар тўхтамаяпти ва фақат ўз ўйинчиларим ҳақида гапирмаяпман. Мен ҳақиқатан ҳам хавотирдаман.Эслатиб ўтамиз, терма жамоалар йиғинидан Серхио Рамос ва Рафаэл Варан жароҳат билан қайтди. Бироқ франциялик футболчи «Вильярреал»га қарши ўйин қайдномасидан ўрин олди.Мунозарага киришмоқчи эмасман. Тақвимни тузиб чиқадиган одамлар бор. Аммо хавотирдаман.
ФИФА ва УЕФА бу ҳолатга йўл қўйганига муносабатим? Ўйлашимча, ҳар бир мураббий уни эшитишларини ҳис қилиши лозим. Ниманидир ўзгартириш учун бошқа мураббийлар билан ҳам учрашдик. Бугун нимани ўйлаётган бўлсам, шуни гапиряпман. Бу билан шуғулланиши керак бўлган шахслар бор. Кўрамиз, бундан кейин нима бўлар экан.
Гап футболчилар соғлиғи ҳақида кетмоқда. Футбол яхши шоу бўлиши керак, бироқ ўйинчилар соғлиғи катта аҳамият касб этади. Гап фақат машғулотларда эмас. Тикланиш жуда муҳим, бироқ унга вақт йўқ. Мен бу мавзуда гапиришни хоҳладим ва барча фикрларимни баён қилдим.
Зинедин Зидан, «Реал» бош мураббийи
Шунингдек, жамоада Альваро Одриосола, Федерико Вальверде ва Карим Бензема жароҳат олган. Эдер Милитао, Каземиро ва Лука Йович коронавирус билан касалланган.
«Реал» 21 ноябрь куни «Вильярреал»га қарши ўйнайди. Учрашув Тошкент вақти билан 20:15 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)