Бугун,

  • USD 10940.05
  • RUB 182.26
  • EUR 11121.65

Тошкент шаҳри Сергели туманида 28 ёшли эркак ўзидан 10 ёш кичкина йигит ва уларни ажратмоқчи бўлган аёлни пичоқлаб қўйди, дея хабар бермоқда Тергов департаменти.

Фото: Тергов департаменти

Фото: Тергов департаменти

Маълум қилинишича, 2020 йилнинг 16 ноябрь куни 28 ёшли Алишер М. Тошкент шаҳар Сергели тумани Сергели-2-даҳа 36-уйнинг олдида 18 ёшли Ағзам Й. билан жанжаллашган.

Қайд этилишича, Алишер М. ўзини ҳақорат қилганлиги сабабли келиб чиққан жанжал оқибатида олдида бўлган ошхона пичоғи билан Ағзам Й.га ҳамда уларни ажратиб, безорилик ҳаракатларининг олдини олмоқчи бўлган 24 ёшли Шаҳноза М.нинг танасини турли жойларига бир неча маротаба уриб, тан жароҳати етказган.

Оқибатда Ағзам Й. ва Шаҳноза М. тан жароҳатлари билан Республика шошилинч тиббий ёрдам илмий марказига мурожаат қилган.

Кўздан кечириш жараёнида ҳодиса жойидан ошхона пичоғи ашёвий далил тариқасида тегишли тартибда расмийлаштириб олинган.

Фото: Тергов департаменти

Фото: Тергов департаменти

Мазкур ҳолат юзасидан Сергели тумани ИИО ФМБ Тергов бўлими томонидан Алишер М.га нисбатан Жиноят кодексининг 277-моддаси 3-қисми «г» банди (жамоат тартибини сақлаш вазифасини бажариб турган ҳокимият вакили ёки жамоатчилик вакилига ёхуд безорилик ҳаракатларининг олдини олиш чорасини кўрган бошқа фуқароларга қаршилик кўрсатиб содир этилган безорилик) билан жиноят иши қўзғатилган.

Дастлабки тергов жараёнида Алишер М. гумон қилинувчи тариқасида ишда иштирок этишга жалб қилинган ва ҳимоячи иштирокида сўроқ қилинган. Ҳозирда тергов ҳаракатлари давом эттирилмоқда.

Аввалроқ Тошкентдаги «Зарафшон» савдо-кўнгилочар маркази ёнида содир бўлган жанжал бўйича ИИББ муносабат билдиргани, Тошкент шаҳар ИИББ Юнусободда тунги клуб ёнида юз берган пичоқбозлик юзасидан маълумот бергани ҳамда Юқори Чирчиқда ўз акасини дўппослаб, пичоқлаган шахс қўлга олингани ҳақида хабар берилган эди.

Изоҳ
Асосий янгиликлар