Global Hungar Index 2020 йил учун халқаро миқёсдаги очлик индексини эълон қилди. Давлат статистика қўмитаси маълумотига кўра, Ўзбекистон унда 30-ўринда.
Ушбу рейтингда 107 мамлакат иштирок этган. Унда Ўзбекистон энг яхши деб топилган 47 мамлакат қаторида 6,7 балл билан 30-ўринда қайд этилган. 2019 йилда ушбу рейтингда Ўзбекистон 10,7 балл билан 48-ўринда кўрсатиб ўтилган.
2020 йилда МДҲ давлатларидан Қозоғистон 5,4 балл билан 21-ўринда (2019 йил 5,5 балл, 20-ўринда), Арманистон 6,9 балл билан 31-ўринда (2019 йил 7,8 балл, 30-ўринда), Қирғизистон 8,4 балл билан 42-ўринда (2019 йил 8,8 балл, 35-ўринда), Туркманистон 11,1 балл билан 52-ўринда (2019 йил 11,8 балл, 54-ўринда) қайд этилган.
Индекс ҳар бир мамлакат учун тўртта кўрсаткични жамлаш орқали аниқланади:
- тўйиб овқатланмайдиган аҳоли улуши;
- беш ёшгача бўлган вазни меъёрдан паст болалар улуши;
- беш ёшгача бўлган бўйи меъёрдан паст болалар улуши;
- беш ёшгача бўлган болаларнинг ўлим даражаси.
Қайд этиш жоизки, 2020 йилда Ўзбекистондаги очлик даражаси 2000 йилга нисбатан сезиларли даражада камайган. Таққослаш учун Ўзбекистоннинг сўнгги 20 йилликдаги 20 очлик даражаси кўрсаткичлари келтирилди.
- 2000 йил — 24,4;
- 2006 йил — 16,9;
- 2012 йил — 12,7;
- 2020 йил — 6,7.
Мавзуга доир:
- Пандемия оқибатида юзага келган инқироз Ўзбекистонда 20 йилдан кўпроқ вақт ичида биринчи марта камбағаллик даражасини оширди — Жаҳон банки
- Пандемия Ўзбекистонда камбағал оилалар сонининг ортишига олиб келди — БМТ Тараққиёт дастури
- Дунё миқёсида пандемия сабаб очарчилик кучайгани маълум қилинди
- БМТ очарчилик хавфи остида бўлган мамлакатларни маълум қилди
Изоҳ (0)