Bahorning ikkinchi oyida Toshkentda yog‘gan qor – suratlarda

Avvalroq  O‘zbekiston hududiga 7—9-aprel kunlari Volgabo‘yi tumani (Astraxan) orqali Rossiyaning Yevropa hududi (Moskva viloyati) ustida shakllangan nam va sovuq havo oqimlari kirishi haqida xabar berilgan edi.

Unga ko‘ra, respublika bo‘ylab vaqti-vaqti bilan yomg‘ir, 8-aprelda ayrim joylarda kuchli yomg‘ir yog‘ishi mumkinligi ta’kidlangan. Shuningdek, shamol tezligi kuchayib, ba’zi joylarda qor aralash yomg‘ir yog‘ishi prognoz qilingan edi. 8-aprel, chorshanba kuni, erta tongda Samarqand viloyatining Qo‘shrabot tumanida qor yog‘gani haqida xabar berilgan.

Toshkent shahrida ham tushdan so‘ng, soat 17:00 dan o‘ti,b qor yog‘ishni boshladi. “Daryo” muxbiri qor yog‘ish jarayonini kadrlarga muhrladi.

9-aprel, payshanba kuni, ertalab ayrim joylarda yog‘ayotgan yomg‘ir qorga aylanishi mumkin. Harorat kechasi 0-5 daraja, ayrim joylarda 1 daraja sovuq, kunduzi esa 5-10 daraja iliq bo‘lishi kutilmoqda.