Бугун,

  • USD 10940.05
  • RUB 182.26
  • EUR 11121.65

Ўзбекистон Президенти «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида»ги фармонни имзолади, деб хабар беради «Gazeta.uz».

Фото: «Дарё»

Фото: «Дарё»

Ҳужжатга кўра, Термиз эркин иқтисодий зонаси ҳудудини қисқартириш ҳисобига тегишли инфразилма объектлари билан таъминланган Термиз халқаро савдо маркази эркин савдо зонаси ҳамда «Термиз халқаро савдо маркази эркин савдо зонаси дирекцияси» давлат унитар корхонаси ташкил этилади.

Термиз халқаро савдо маркази ҳудудида:

  • Замонавий технологиялар асосида маҳсулотларни қабул қилиш, сақлаш, қайта ишлаш, саралаш ва қадоқлаш хизматлари ҳамда электрон савдо порталлари ташкил этилади;
  • «ягона дарча» ва интерактив механизмлар асосида божхона, солиқ, сертификация, фитосанитария, ветеринария, транспорт, банк ва валюта айрибошлаш, мобил алоқа ҳамда мижозлар учун тиббиёт ва меҳмонхона, автотранспорт воситаларига техник хизмат кўрсатиш ва бошқа хизматлар йўлга қўйилади;
  • Афғонистон фуқаролари ва ушбу давлат ҳудудидан кирувчи бошқа давлат фуқаролари ва фуқаролиги бўлмаган шахсларнинг, истисно тариқасида, Ўзбекистонга кириш визасини расмийлаштирмасдан, шахсий ва паспорт назоратидан ўтган ҳолда (вақтинчалик рўйхатдан ўтмасдан) ўн кун давомида ҳудудга кириш, ҳудудда бўлиш ва ундан чиқиш тартиби жорий этилади;
  • Фаолият юритаётган тадбирколар томонидан чет эл фуқароларига ва фуқаролиги бўлмаган шахсларга реализация қилинадиган ҳамда Афғонистон ҳудудига олиб чиқиладиган товарлар ва хизматлар экспортга тенглаштирилади;
  • Чет эл товлари «эркин божхона зонаси» божхона режимига расмийлаштириш орқали жойлаштирилади ҳамда истисно тариқасида, ушбу товарлар билан чакана савдо операцияларини амалга оширишга рухсат этилади;
  • Ўзбекисотн ҳудудида бўлган хорижий давлат фуқаролари ва фуқаролиги бўлмаган шахслар ҳаракатланиш ҳужжатлари асосида алоҳида назорат ўтказиш пункти орқали ўтади ва ортга қайтишда фақат кирган назорат ўтказиш пункти орқали рухсат этилади.
Термиз халқаро савдо маркази ҳудудига Афғонистон томонидан кириш ва ундан чиқиш «Термиз-автойўл» ўтказиш пунктидан махсус техник воситалари билан жиҳозланган алоҳида йўлак (коридор) орқали белгиланган тартибда амалга оширилади.

Фармонда таъкидланишича, саноат кооперациясини чуқурлаштириш, янги иш ўринларини яратиш мақсадида Тошкент шаҳрининг Сергели туманида Сергели индустриал парки кичик саноат зонаси ташкил этилган.

Вазирлар Маҳкамасига захира жамғармаси маблағлари ҳисобидан ўн кун муддатда устав фонларини шакллантириш учун Термиз халқаро савдо маркази ва Сергели индустриал парки дирекцияларига 5 миллиард сўмдан маблағлар ажратиш топширилган.

Бундан ташқари, Ўзбекистон Тикланиш ва тараққиёт жамғармаси кредит маблағлари Сурхондарё вилояти ва Тошкент шаҳар ҳокимликларига 3 йил муддатга, шу жумладан, 1 йиллик имтиёзли даврни ҳисобга олган ҳолда, йиллик фоиз ставкаси 6 ойлик LIBOR +2 фоизда объектлар қурилиш-монтаж ишларини бажариш ҳамда зарур инфратузилмаларни барпо этишга Маъмурий кенгашлар томонидан тасдиқлангадиган мазилли рўйхатларга асосан ажратилади.

Сурхондарё вилояти ҳокимлигига Термиз халқаро савдо маркази объектлари қурилишига 20 миллион доллар, Тошкент шаҳар ҳокимлигига эса Сергели индустриал парки объектлари қурилишига 40 миллион доллар кредит ажратилади.

Шунингдек, Термиз эркин иқтисодий зонаси, Термиз халқаро савдо маркази ва Сергели индустриал парки ҳудудида қурилиши тугалланган объектлар ўрнатилган тартибда фойдаланишга қабул қилингандан сўнг, ишчи гуруҳи томонидан белгиланган қийматда ва тартбида (Trmez Cargo Centre МЧЖ объектларидан ташқари) Термиз иқтисодий зонаси, Термиз халқаро савдо маркази ва Сергели индустриал парки дирекциялари томонидан ошкора савдолар ўтказиш йўлиб илан талабгорларга сотилади ёки лизинг асосида берилади.

Эслатиб ўтамиз, шу йилнинг августида Президентнинг Хоразм вилоятида тадбиркорликни ривожлантириш ва унинг инвестициявий жозибадорлигини ошириш чора-тадбирлари тўғрисидаги 17 августдаги қарори билан Ҳазорасп эркин иқтисодий зонаси (ЭИЗ) қишлоқ хўжалигида фойдаланилмаётган бўш турган ер участкалари ҳисобидан кенгайтирилиши белгиланган эди.

Изоҳ
Асосий янгиликлар