Porsche компанияси ижтимоий тармоқлар орқали рул чамбараги автомобилнинг марказий қисмида жойлашган ноодатий машина тизери билан бўлишди, деб хабар беради Motor.
Суратларда аниқ спорткар тасвирланмаган, афтидан, у шаҳар йўлларига мўлжалланган ихчам автомобиль — балки хетчбек ёки минивен. Компания бу орқали Porsche автомобиллари қандай кўринишга эга бўлиши мумкинлигини кўрсатиб берган: ингичка қирқимли фаралар, автопилот ва ҳайдовчининг орқа ёнларида жойлашган иккита ўриндиқ. Тизердаги машина анъанавий радиатор панжарасига эга эканлиги инобатга олинса, у электр энергиясида ҳаракатланишини тахмин қилиш мумкин.
Ушбу тизер Вайсахдаги дизайн-студиянинг сирларига бағишланган Porsche Unseen номи остидаги сериянинг бир қисмига айланган. Бунга қадар компания 1950 йиллар услубидаги дизайнга эга спидстер ва пойга машиналарига ўхшаш гиперкар прототипини тақдим этганди.
Тахминларга кўра, Porsche кейинги бир неча ҳафта ичида ўз прототипларига оид батафсил маълумотларни ошкор қилади. Улар орасида рул автомобилнинг олд марказида жойлашган сити-кар ҳам мавжуд.
Аввалроқ Porsche 911 Turbo S спорткари самолётга совға сифатида таклиф қилинаётгани тўғрисида хабар берилганди.
Изоҳ (0)