Россия тинчликпарвар кучларининг автоколонналари Арманистоннинг Горис шаҳрига кириб борди. Ҳарбий техникаларнинг ҳаракатланаётгани тасвирланган видео RТ телеканали томонидан эълон қилинган. Таъкидланишича, тинчликпарварлар Тоғли Қорабоғ томон ҳаракатланмоқда.
https://twitter.com/ABNYCbk/status/1325955506603692034
Аввалроқ бортида россиялик тинчликпарварлар бўлган олтита «Ил-76» самолётлари ҳавога кўтарилгани тўғрисида хабар берилганди.
Эслатиб ўтамиз, Арманистон, Озарбайжон ва Россия етакчилари 9 ноябрь куни кечқурун Қорабоғда жангларни тўхтатиш ҳақида уч томонлама шартнома имзолади. Сулҳ шартлари Келбажар, Агдам, Лачин туманлари ва Газах туманида Арманистон томони эгаллаб турган ҳудудлар Озарбайжон назорати остига берилишини назарда тутади.
Уруш тугагани эълон қилингач, Арманистонда норозиликлар бошланган. Ереванда Арманистон парламенти биноси ёнида норозилик намойишларини уюштираётганлар Миллий мажлис спикери Арарат Мирзоянни дўппослаган.
Изоҳ (0)