Навоий вилоятида ичида йўловчилар бўлган иккита автобус иштирокида йўл-транспорт ҳодисаси содир бўлди, деб хабар беради ИИВ ЙҲХББ ахборот хизмати.
Маълумотларга кўра, 8 ноябрь куни соат 14:40 ларда Зарафшон шаҳарида 1964 йилда туғилган Ҳ.Т. бошқарувидаги автобус ҳамда 25 ёшли А.Н. бошқарувидаги бошқа бир автобус билан тўқнашув содир бўлган.
Тўқнашув натижасида йўловчилардан бири шилиниш енгил тан жароҳати билан шифохонага мурожаат қилган.
Мазкур ЙТҲ юзасидан Зарафшон шаҳар ИИБ ЙҲХБ томонидан суриштирув ишлари олиб борилиб, тўқнашув сабабларига аниқлик киритилмоқда.
Аввалроқ Сурхондарёда Nexia автобус билан тўқнашиши оқибатида 21 ёшли ҳайдовчи ва машина ичидаги йўловчи вафот этгани тўғрисида хабар берилганди.
Изоҳ (0)