Тошкент вақти билан 8 ноябрь, якшанба куни Лас-Вегас шаҳрида (Невада, АҚШ) UFC Vegas 13 мусобақаси бўлиб ўтди.
Мусобақанинг марказий жанги ярим оғир вазн тоифаси вакиллари Тиаго Сантос (21-8) ва Гловер Тейшейра (32-7) ўртасида кечди. 41 ёшли Тейшейра 3-раунд сўнгида Сантосга нисбатан бўғиш услубини қўллади. Натижада Сантос таслим бўлишга мажбур бўлди.
Шу тариқа тажрибали Гловер Тейшейра MMA’даги фаолиятида 32-ғалабасини тантана қилди. Тиаго Сантос эса фаолиятидаги 8-мағлубиятини тан олди.
Яна бир жангда грузиялик Гига Чикадзе америкалик Жейми Симмонсни 1-раунддаёқ даҳшатли нокаутга учратди. Бу Чикадзе учун фаолиятидаги 12-ғалаба бўлди. Симмонс эса 3-мағлубиятини қабул қилиб олди.
Барча жанглар видеосини бу ерда томоша қилиш мумкин → ВИДЕО.
Мусобақанинг барча натижалари билан танишинг:
Асосий кард
- Гловер Тейшейра (32-7) 3-раундда Тиаго Сантос (21-8) устидан ғалаба қозонди;
- Андрей Орловски (30-19) тўлиқ давом этган жанда Таннер Boseрни (19-7-1) очколар эвазига ютди;
- Раони Барселос (16-1) очколар эвазига Холид Тахадан (13-3) устун келди;
- Ян Сяонан (13-1) очколар эвазига Клаудиа Гаделяни (18-5) мағлуб этди;
- Гига Чикадзе (12-2) 1-раунддаёқ Жейми Симмонсни (7-3) нокаутга учратди;
- Тревис Жайлс (13-2) 3-раунддаёқ Бивон Льюисни (7-3) нокаутга учратди;
- Александр Романов (13-0) 1-раунддаёқ Рожериу де Лимани (17-8-1) таслим этди;
- Даррен Элкинс (26-9) 3-раундда Эдуардо Гарагорри (13-2) устидан ғалабага эришди;
- Макс Гриффин (16-8) 3-раундда Рамиз Браҳимажни (8-3) нокаутга учратди;
- Густаво Лопес (12-5) 1-раундда Энтони Берчакни (16-7) таслим қилди;
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)