Toshkent vaqti bilan 8-noyabr, yakshanba kuni Las-Vegas shahrida (Nevada, AQSh) UFC Vegas 13 musobaqasi bo‘lib o‘tdi.
Musobaqaning markaziy jangi yarim og‘ir vazn toifasi vakillari Tiago Santos (21-8) va Glover Teysheyra (32-7) o‘rtasida kechdi. 41 yoshli Teysheyra 3-raund so‘ngida Santosga nisbatan bo‘g‘ish uslubini qo‘lladi. Natijada Santos taslim bo‘lishga majbur bo‘ldi.
Shu tariqa tajribali Glover Teysheyra MMA’dagi faoliyatida 32-g‘alabasini tantana qildi. Tiago Santos esa faoliyatidagi 8-mag‘lubiyatini tan oldi.
Yana bir jangda gruziyalik Giga Chikadze amerikalik Jeymi Simmonsni 1-raunddayoq dahshatli nokautga uchratdi. Bu Chikadze uchun faoliyatidagi 12-g‘alaba bo‘ldi. Simmons esa 3-mag‘lubiyatini qabul qilib oldi.
Barcha janglar videosini bu yerda tomosha qilish mumkin → VIDEO.
Musobaqaning barcha natijalari bilan tanishing:
Asosiy kard
- Glover Teysheyra (32-7) 3-raundda Tiago Santos (21-8) ustidan g‘alaba qozondi;
- Andrey Orlovski (30-19) to‘liq davom etgan janda Tanner Boserni (19-7-1) ochkolar evaziga yutdi;
- Raoni Barselos (16-1) ochkolar evaziga Xolid Taxadan (13-3) ustun keldi;
- Yan Syaonan (13-1) ochkolar evaziga Klaudia Gadelyani (18-5) mag‘lub etdi;
- Giga Chikadze (12-2) 1-raunddayoq Jeymi Simmonsni (7-3) nokautga uchratdi;
- Trevis Jayls (13-2) 3-raunddayoq Bivon Lyuisni (7-3) nokautga uchratdi;
- Aleksandr Romanov (13-0) 1-raunddayoq Rojeriu de Limani (17-8-1) taslim etdi;
- Darren Elkins (26-9) 3-raundda Eduardo Garagorri (13-2) ustidan g‘alabaga erishdi;
- Maks Griffin (16-8) 3-raundda Ramiz Brahimajni (8-3) nokautga uchratdi;
- Gustavo Lopes (12-5) 1-raundda Entoni Berchakni (16-7) taslim qildi;
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)