Бугун,

  • USD 11095.31
  • RUB 173.84
  • EUR 10772.44

Хонанда Диёр Маҳкамов санъатни тарк этиб, тадбиркорлик қилаётгани кўпчиликка маълум. Аммо у бирорта интервьюсида бунинг сабаблари ҳақида гапиришни истамаган. Журналист Наргиза Муродова  собиқ ижодкор билан шулар ҳақида суҳбатлашишни истади.

Фото: Диёрбек Маҳкамовнинг шахсий архивидан

Фото: Диёрбек Маҳкамовнинг шахсий архивидан

Ижоддан чекланишингизнинг асосий сабаби нимада?

— Ижоддан четлашганим йўқ, бутунлай тарк этдим. Менимча, инсон қайси касбда омадлироқ бўлса ва унда ўзини бахтли ҳис қилса, ўша соҳани танлагани маъқул. Шу боис ҳеч иккиланмай санъатдан кетишга қарор қилдим. Чунки бу соҳада ўзим истаган натижани қўлга киритолмадим.

Шунча йиллик меҳнат ва ижодингизга ачинмадингизми? Бундан ташқари, дадангиз ҳам сизга продюсерлик қилиб катта пул сарфлаган эди?

— Санъат оиламиз учун бир ҳобби эди. Инсон кўнгил майли учун қилган ишидан даромад топишни кўзламайди. Шоу-бизнесга қадам қўйганимдаёқ менда санъатдан пул топиш нияти бўлмаган. Агар ниятим шундай бўлганида бошқа йўлни танлардим. Яъни пиарларга берилиб, тўй хизматларидан ортмасдим.

Укангиз Элёр ҳам сизга ҳавас қилиб санъат йўлини танлаганди. Унинг ҳам санъатни тарк этишида сизнинг ҳиссангиз борми?

Фото: Диёрбек Маҳкамовнинг шахсий архивидан

Фото: Диёрбек Маҳкамовнинг шахсий архивидан

— Тўғри, укам қўшиқчиликни  тарк этди, аммо фильмларда суратга тушиб турибди. У ҳам бошқа соҳада фаолият юритгани боис санъатдаги даромад уни қизиқтирмайди. У учун ҳам ижод шунчаки ҳобби.

Ўттиз ёшдан кейин янги касбни эгаллаш қийин эмасми?

— Мен ҳозир ота касбимни давом эттиряпман. Болаликдан бу касбда кўзим пишган десам ҳам бўлади. Шундай бўлса-да, бу ишни бошлаб олишим осон кечмади. Инсон кўзлаган манзилига етишда қоқилади, турли қийинчиликларга дуч келади. Аммо қийинчилик билан эришилган натижа ҳамиша завқли бўлади. Очиғи, ҳеч қачон танловимдан афсусланмайман. Тақдиримга битилган ҳар бир нарсага шукр қиламан. Энг муҳими, Аллоҳ танлаган йўлимни хайрли қилсин, деб ният қиламан.

Фото: Диёрбек Маҳкамовнинг шахсий архивидан

Фото: Диёрбек Маҳкамовнинг шахсий архивидан

Билишимча, Дубайда кўчиб кетган эдингиз?

— Бу гапни кўпчиликдан эшитяпман. Яқинда бир инсон «Туркияда яшаётган экансизми?» деб сўраб қолди. Тўғри, карантиндан аввал бу давлатларга тез- тез бориб турардим. Боиси тижоратим у ер билан боғлиқ. Аммо она шаҳрим Тошкентдан кетганим йўқ.

Фото: Диёрбек Маҳкамовнинг шахсий архивидан

Фото: Диёрбек Маҳкамовнинг шахсий архивидан

Диёр Маҳкамов 1987 йилда Тошкент шаҳрида дунёда келган. Устози Шуҳрат Қаюмов кўмагида катта саҳнага чиққан. Бир қатор эстрада юлдузлари билан дуэт куйлаган. Манзура билан куйлаган «Сен шошмагин» дуэти унга омад олиб келган.

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Маҳаллий
Вазирликнинг 8 млрдга тушган сайти, қашқадарёлик ота-ўғилнинг Тошкентни «лол қолдирган» қилмиши: «Дарё»да ҳафта дайжести
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди